"სუფთა ხელებით ვიწყებთ დღეს, აქ და ახლა. გადავდივართ შრომის სრულიად ახალ ეტაპზე ჩვენი სამშობლოსთვის, მისი ნორმალური და ბედნიერი მომავლისთვის" - ახალგაზრდებმა ახალი პოლიტიკური მოძრაობა - სართული დააფუძნეს. 

განცხადება ცოტა ხნის წინ ვადო მაჭავარიანმა გააკეთა. 

"საქართველოში პირველად იწყება ახალგაზრდების და სრულიად ახალი სახეები პოლიტიკური მოძრაობა და მას ვიწყებთ ჩვენ. ჩვენ და ჩვენ გარშემო და გვერდით მდგომი ძალიან ბევრი ადამიანი. ხალხი, რომელიც სრულიად ახალია საზოგადოებრივ-პოლიტიკურ სივრცეში. ვინც წლებია ვშრომობთ და ვიბრძვით იმისთვის, რომ გვქონდეს ბედნიერი მომავალი.

ჩვენი მოძრაობის სახელია - სართული. ახალი თაობის ძალა ვიწყებთ სართულის შენებას. ახალი თაობის ძალის შენებას და გულით გვჯერა, რომ ეს მოძრაობა იქნება ყველასთვის და იქნება ყველასთვის. აქ გელოდებით ყველას, ვინც ხვდება და იაზრებს, რომ საჭიროა ევროპული, მაგრამ ეროვნული ძალები. ვინც დაიღალა ძველი პოლიტიკური სიბინძურით, ვინც დაიღალა იმით, რომ პირად ინტერესებს შეეწირა აწმყო, ჩვენი მომავალი ეწირება, ადამიანები გადიან ქვეყნიდან და ვინც დაიღალა იმით, რა სიტუაციაც დღესაა. ვინც ფიქრობს, რომ მოქმედებაზე გადასვლაა საჭირო, სადღეგრძელოებისა სიტყვების იქით, საქმეზე გადასვლაა საჭირო". - განაცხადა მაჭავარიანმა. 

მან ასევე სოლიდარობა გამოუცხადა რეჟიმის პატიმრებს და აღნიშნა, რომ ეს ბრძოლა მათთვისაცაა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ