|
2025-04-03 13:17:02, 534 ნახვა
მსოფლიო
კირილ დმიტრიევი - რუსეთსა და აშშ-ს შორის დიალოგი მთელი მსოფლიოსთვის მნიშვნელოვანია
რუსეთსა და აშშ-ს შორის დიალოგი მთელი მსოფლიოსთვის მნიშვნელოვანია, - ამის შესახებ რუსეთის „პირდაპირი ინვესტიციების ფონდის“ აღმასრულებელი დირექტორი და რუსეთის პრეზიდენტის, ვლადიმერ პუტინის სპეციალური წარმომადგენელი უცხო ქვეყნებთან საინვესტიციო-ეკონომიკური თანამშრომლობის საკითხებში, კირილ დმიტრიევი „ტელეგრამის“ არხზე წერს. კირილ დმიტრიევის ცნობით, დონალდ ტრამპის ადმინისტრაციის წარმომადგენლებთან შეხვედრებისთვის ვაშინგტონში, რუსეთის პრეზიდენტის, ვლადიმერ პუტინის დავალებით იმყოფება. „დღეს, კონსტრუქციული თანამშრომლობის აღდგენას დაძაბულობის შენარჩუნებით დაინტერესებული უამრავი ძალა ეწინააღმდეგება. ეს ძალები რუსეთის პოზიციას მიზანმიმართულად ამახინჯებენ, დიალოგისკენ გადადგმული ნებისმიერი ნაბიჯის ჩაშლას ცდილობენ და ამისთვის რესურსებს არ იშურებენ. დაახლოების მოწინააღმდეგეებს ეშინიათ, რომ რუსეთი და აშშ საერთო ენას იპოვიან, ერთმანეთს უკეთ გაუგებენ და თანამშრომლობას დაიწყებენ, როგორც საერთაშორისო საქმეებში, ასევე ეკონომიკაში“, - წერს დმიტრიევი. მისივე თქმით, რუსეთსა და აშშ-ს შორის კონტაქტები აშშ-ის ყოფილი პრეზიდენტის, ჯო ბაიდენის ადმინისტრაციის პირობებში სრულიად განადგურდა. „დიალოგის აღდგენა რთული და ეტაპობრივი პროცესია, მაგრამ ყოველი შეხვედრა წინსვლის საშუალებას გვაძლევს. რუსეთის პოზიციის რეალური გაგება თანამშრომლობის ახალ შესაძლებლობებს ხსნის, მათ შორის საინვესტიციო და ეკონომიკურ სფეროებში“, - აღნიშნავს რუსეთის პრეზიდენტის სპეციალური წარმომადგენელი. ცნობისთვის, მანამდე სააგენტო Reuters-მა ინფორმაცია გაავრცელა, რომ კირილ დმიტრიევი ვაშინგტონში აშშ-ის პრეზიდენტის, დონალდ ტრამპის სპეციალურ წარმომადგენელს, სტივ უიტკოფს შეხვდა.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)