ხანძარი გაჩნდა რუსეთის ბაშკირეთის დედაქალაქ უფაში მდებარე ნავთობგადამამუშავებელი ქარხნის ტერიტორიაზე. 3 მარტს, შუაღამის შემდეგ რუსული ტელეგრამარხები იუწყებოდნენ, რომ ქარხანაზე უკრაინული დრონებით შეტევა იყო. საწარმო კომპანია „ბაშნეფტს“ ეკუთვნის.

საგანგებო სიტუაციების ადგილობრივმა სამსახურმა განაცხადა, რომ „წინასწარი ვერსიით, ხანძარი უკავშირდება ტექნოლოგიურ პროცესს“. ადგილობრივი დროით დილის 9 საათისთვის საგანგებო სიტუაციების სამსახურის ტელეგრამარხზე გამოქვეყნდა ცნობა, რომ „ღია წვა ლიკვიდირებულია“. ადგილობრივი ხელისუფლების ინფორმაციით, დაშავდა ერთი ადამიანი.

რუსეთის თავდაცვის სამინისტროს მიერ დილით გამოქვეყნებულ ჩამონათვალში ბაშკირეთის რესპუბლიკა არ ყოფილა იმ ფედერალურ სუბიექტებს შორის, რომლებზეც, სამინისტროს თანახმად, ღამის განმავლობაში დრონებით შეტევა იყო.

ავტორი: ექსპრესნიუსი,

სოციალური ქსელები

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა