აშშ-ის პრეზიდენტმა, დონალდ ტრამპმა ხელი მოაწერა აღმასრულებელ განკარგულებას, რომლითაც ინგლისური ოფიციალურ ენად გამოაცხადა ფედერალურ დონეზე.

„ჩვენი რესპუბლიკის დაარსების დღიდან, ინგლისური გამოიყენებოდა ეროვნულ ენად. ამიტომ დიდი ხანია, დადგა დრო, რომ ინგლისური გამოცხადდეს შეერთებული შტატების ოფიციალურ ენად“, – ნათქვამია ტრამპის განკარგულებაში.

ამგვარად, აშშ-ის ისტორიაში პირველად ქვეყანას ოფიციალური ენა აქვს.

აქამდე ინგლისური ოფიციალურ ენად გამოცხადებული მხოლოდ ცალკეული შტატების დონეზე იყო. კერძოდ, 50 შტატიდან 32-ში.

თავისი განკარგულებით დონალდ ტრამპმა გააუქმა 2000 წელს გამოცემული განკარგულება, რომელიც ავალდებულებდა ფედერალური უწყებებს და ფედერალური ბიუჯეტიდან დაფინანსებულ ორგანიზაციებს, უზრუნველეყოთ თარგმანი იმ პირებისთვის, რომლებმაც ინგლისური არ იციან.

ახალი განკარგულებით, სააგენტოებმა თავად უნდა მიიღონ გადაწყვეტილებები, რომლებსაც ისინი აუცილებლად მიიჩნევენ მათი უწყებების ეფექტიანად მუშაობისთვის.

დონალდ ტრამპს ინგლისური ენის ოფიციალურ ენად გამოცხადების ინიციატივა წარსულშიც გამოუთქვამს, როდესაც ჯო ბაიდენის საიმიგრაციო პოლიტიკას აკრიტიკებდა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები