თავდაცვის სამინისტრო თანამშრომლების გათავისუფლებას აგრძელებს, განსხვავებული პოლიტიკური შეხედულების გამო დღეს ნინო გორგოძე გაათავისუფლეს

2025-02-25 20:05:30, 519 ნახვა

პოლიტიკა

თავდაცვის სამინისტრო, თანამშრომლების გათავისუფლებას აგრძელებს. ამჯერად, 17 წლიანი თანამშრომლობის მიუხედავად სამინისტრომ, მოქალაქე ნინო გორგოძე გაათავისუფლა, ამის შესახებ თავად გორგოძე სოციალურ ქსელში წერს.

„ასე და ამგვარად, დასრულდა ჩემი 17 წლიანი სამსახური საქართველოს თავდაცვის სამინისტროში.

ცხოვრების თითქმის ნახევარი ამ უწყებაში, იმ შეგნებით გავატარე რომ ჩემი მოკრძალებული წვლილი შემქონდა თავდაცვის ძალების, ქვეყნის თავდაცვისუნარიანობის ხერხემლის გაძლიერებაში.

ბოლო დროს განვითარებული მოვლენების ფონზე, თავდაცვის სამინისტროს ხელმძღვანელობამ არ ჩათვალა საჭიროდ, სასარგებლოდ, ღირებულად ეს მცირე წვლილი… რას ვიზამთ, ასეთია გადაწყვეტილება რომლის სამართლიანობაზეც სხვა დროს და სხვა ფორმატში ვისაუბრებ.

ახლა მხოლოდ მადლობას ვეტყვი ყველა ღირსეულ სამხედრო მოსამსახურეს თუ სამოქალაქო პირს, ვისთან ერთადაც მიმუშავია და ბევრ მათგანთან მეგობრობა ჩემთვის ამ წლების უმთავრესი მონაპოვარია.

წარმატებებს ვუსურვებ თითოეულ მათგანს ქვეყნის სამსახურში.

25 თებერვალია.. რუსეთი ოკუპანტია… საქართველოს დიდება!“ - წერს მოქალაქე, ნინო გორგოძე.