„107 ახალი სანქცია. სანქციების ეს პაკეტი მიზანში იღებს მომარაგების ჯაჭვებსა და შემოსავლებს, რომლებიც პუტინის უკანონო ომს ხელს უწყობს. უკრაინის გაძლიერება უსაფრთხო ევროპისა და დიდი ბრიტანეთის მშენებლობას ხელს შეუწყობს“, - ნათქვამია გაერთიანებული სამეფოს მთავრობის განცხადებაში.

დიდი ბრიტანეთის მთავრობის ცნობით, სანქციები ეხება რუსი სამხედროებისთვის მანქანა-იარაღების, ელექტრონიკისა და ორმაგი დანიშნულების საქონლის მწარმოებლებსა და მომწოდებლებს, რომლებიც ძირითადად მესამე ქვეყნებშია დაფუძნებული, კერძოდ, ცენტრალური აზიის ქვეყნებში, თურქეთში, ტაილანდში, ინდოეთსა და ჩინეთში.

ასევე, დიდმა ბრიტანეთმა სანქციები ჩრდილოეთ კორეის თავდაცვის მინისტრს, ნო კვანგ-ქოლს, ჩრდილოეთ კორეელ გენერლებსა და 13 რუსულ ობიექტს დაუწესა.

„პირველად, ახალ უფლებამოსილებებს ვიყენებთ და ჩვენ მიზანში ვიღებთ უცხოურ ფინანსურ ინსტიტუტებს, რომლებიც რუსეთის ომის მანქანას მხარს უჭერენ. სანქციებს ვუწესებთ ყირგიზეთში დაფუძნებულ OJSC Keremet Bank-ს, რაც ომის მხარდასაჭერად რუსეთის მიერ საერთაშორისო ფინანსური სისტემის გამოყენებას ხელს შეუშლის“, - აღნიშნულია დიდი ბრიტანეთის მთავრობის განცხადებაში.

ამასთან, დღეს, დიდი ბრიტანეთის პრემიერ-მინისტრმა, კირ სტარმერმა უკრაინისთვის 4,5 მილიარდი გირვანქა სტერლინგის ღირებულების სამხედრო დახმარების პაკეტის გამოყოფის შესახებ გამოაცხადა.

ცნობისთვის, დიდმა ბრიტანეთმა 2022 წლის შემდეგ რუსეთის წინააღმდეგ სანქციების ყველაზე დიდი პაკეტი გამოაცხადა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები