ნეიტრალურობა ხელს არ უშლის ავსტრიას ამ საკითხთან დაკავშირებით ძალიან მკაფიო პოზიცია ჰქონდეს - სამწუხაროდ, ჩვენ დღეს აღვნიშნავთ სამი წლის თავს მას შემდეგ, რაც რუსეთმა დაიწყო უკრაინის წინააღმდეგ არაპროვოცირებული, უკანონო, სასტიკი ომი, - ამის შესახებ ავსტრიის კანცლერმა, ალექსანდრე შალენბერგმა კიევში მიმდინარე ღონისძიებაზე „დაუჭირე მხარი უკრაინას“ განაცხადა, რომელსაც სხვადასხვა ქვეყნის ლიდერები როგორც პირადად, ასევე ონლაინ რეჟიმში ესწრებიან.

მისი თქმით, სამი წლის განმავლობაში რუსეთმა უკრაინას და მის ხალხს უზარმაზარი ნგრევა და ტანჯვა მოუტანა და უკრაინელები მამაცურად იცავენ არა მხოლოდ საკუთარ თავსა და მომავალს, არამედ ევროპის საერთო ღირებულებებს, პრინციპებს და თავისუფლებას.

„ცხადია, ეს სასტიკი ომი უნდა შეწყდეს, რაც მალე, მით უკეთესი და როგორც ნებისმიერი ომი, ის უნდა დასრულდეს მოლაპარაკებების მაგიდასთან, ყველა დაინტერესებული მხარის მონაწილეობით, მაგრამ არ უნდა დასრულდეს არავითარ შემთხვევაში - და მე არ მჯერა, რომ ეს არ მოხდება - როგორც იძულებითი მშვიდობა“, - აღნიშნა ავსტრიის კანცლერმა.

მისი თქმით, საჭიროა სამართლიანი და ხანგრძლივი მშვიდობა, რომელიც უკრაინის ინტერესების დაცვას უზრუნველყოფს.

„გვსურს ყოვლისმომცველი, სამართლიანი, ხანგრძლივი მშვიდობა, რომელიც დაფუძნებულია საერთაშორისო სამართალზე. მშვიდობა, რომელიც უკრაინის ინტერესების დაცვას უზრუნველყოფს. ჩვენ გავაგრძელებთ მუშაობას ჩვენს გლობალურ პარტნიორებთან ამ მიზნის მისაღწევად. ერთი რამ ნათელი უნდა იყოს. უკრაინაზე მოლაპარაკებები უნდა მოიცავდეს უკრაინას, ისევე როგორც ევროპის უსაფრთხოების შესახებ მოლაპარაკებები უნდა მოიცავდეს ევროპის ყველა დაინტერესებულ მხარეს. ჩვენ, ავსტრია, გავაგრძელებთ ყველა სერიოზული ძალისხმევის მხარდაჭერას, რომელიც უკრაინაში ყოვლისმომცველი, სამართლიანი და ხანგრძლივი მშვიდობის მიღწევისკენაა მიმართული“, - აღნიშნა ავსტრიის კანცლერმა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები