ერაყში აფეთქებას 51 ადამიანის სიცოცხლე ემსხვერპლა

2016-03-08 11:28:57, 1433 ნახვა

მსოფლიო

ერაყში აფეთქების შედეგად 51 ადამიანი გარდაიცვალა, 70 კი დაშავდა, - ამის შესახებ ინფორმაციას BBC ავრცელებს.

როგორც მედია საშუალება იტყობინება ბაბილის პროვინციაში მდებარე საკონტროლო გამშვებ პუნქტთან სატვირთო მანქანაში ჩამონტაჟებული ბომბი აფეთქდა. განადგურებულია საკონტროლო პუნქტი და 30-მდე ავტომობილი.

რეგიონში სამდღიანი გლოვაა გამოცხადებული. აღსანიშნავია, რომ ტერაქტზე პასუხისმგებლობა ჯერ არც ერთ დაჯგუფებას არ აუღია.

ერაყის პოლიცია ცდილობს გაარკვიოს საიდან მოდიოდა ავტომობილი, რომელშიც ასაფეთქებელი იყო ჩამონტაჟებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან