გაიღვიძა და რეაგირებს ყველაფერზე, რჩება რეანიმაციულ განყოფილებაში,- ამის შესახებ 21 წლის ახალგაზრდის, ალექსანდრე თირქიას ოჯახის წევრი ეკა თირქია სოციალურ ქსელ „ფეისბუქზე“ წერს.

ეკა თირქიას განცხადებით, ახალგაზრდის მდგომარეობა კვლავ სტაბილურად მძიმეა.

„სასიხარულო ამბავი გვაქვს... ალექსიმ გაიღვიძა და რეაგირებს ყველაფერზე... რჩება რეანიმაციულ განყოფილებაში, სტაბილურად მძიმე, იგივე რისკებით... თუმცა, ვიცი, რომ ყველაფერი კარგად იქნება“,- წერს თირქია.

შეგახსენებთ, თბილისში მიმდინარე აქციებზე დაშავებული 21 წლის ალექსანდრე თირქია ინგოროყვას კლინიკის რეანიმაციულ განყოფილებაში მკურნალობს. ექიმების ინფორმაციით, მას სკალპის ღია ჭრილობა, შუბლის ძვლის და თვალბუდის და ზედა კიდის კედლის მოტეხილობა, ასევე, შუბლის წილის კონტუზიური დაზიანება აღენიშნებოდა. ექიმის განცხადებით, პაციენტს თავის ტვინის გარსებში ტრავმული სისხლჩაქცევებიც აღენიშნებოდა, რის გამოც ოპერაცია ჩაუტარდა. ამის შემდეგ ის მედიკამენტოზური ძილის ქვეშ იმყოფებოდა.

ავტორი: ექსპრესნიუსი,

სოციალური ქსელები

ჩვენი სახელით სესხს სთავაზობენ - ეროვნული ბანკი მოქალაქეებს აფრთხილებს

გვარამიამ ითხოვა, დადგინდეს ომის დაწყებაზე რა პოზიცია აქვს ხელისუფლებას საერთაშორისო დონეზე - საკონსტიტუციომ არ დააკმაყოფილა

თიბისი კონცეპტის მომხმარებლებს პრაიმ ანაბარის გახსნა უკვე მობაილბანკიდან შეგიძლიათ

წულუკიანის კომისიის დასკვნიდან მტკიცებულებების გამოთხოვაზე შუამდგომლობა არ დაკმაყოფილდა