ჩვენი უახლოესი წინაპრის დანატოვარია ნატვრა და ოცნება, რომელიც ერთ ფრაზაში გამოითქვა: „ჩვენი თავი ჩვენადვე გვეყუდნეს“. ილია ჭავჭავაძის ეს ამოძახილი მეცხრამეტე საუკუნიდან დღემდე ექოდ ჩაგვესმის. ამ მაქსიმის ხორცშესხმა ყველა დროსა და ჟამში თავის ფორმას და შინაარსს იძენს. იძენს იმის-და მიხედვით, რომელ დროს, რომელ მმართველს და რომელ თაობას როგორ ესმის დამოუკიდებლობა და თავისუფლება. სწორედ თავისუფლებისა და დამოუკიდებლობის გზაზე შედეგიანად სიარულია ქვეყნის ეროვნული ინტერესი“,- ამის შესახებ   პარლამენტის თავმჯდომარეობის კანდიდატმა, შალვა პაპუაშვილმა მე-11 მოწვევის პარლამენტის პირველ სხდომაზე სიტყვით გამოსვლისას განაცხადა. 

მისივე თქმით, ჩვენი წინაპრების დანატოვარზე ფიქრისა და მათი გამოცდილების გააზრების ნაცვლად, დღეს ჩვენი თანამედროვეებისგან დაუფიქრებლად წამოსროლილ „სიბრძნეთა“ პირისპირ ვდგავართ. 

„თუ უცხოეთი გეტყვის, ცალ ფეხზეც უნდა დადგე“ - რადიკალურ ოპოზიციაში ამის მთქმელი და ამგვარად მოაზროვნე არაერთი ადამიანია. უცხოეთის ყალბი ელვარებისაგან თვალმოჭრილი ოპონენტები საკუთარ უფალს უგულებელყოფენ, წინაპართა დანატოვარს არად დაგიდევენ, ყველაფერს უცხოს კი ვნებით შესტრფიან. სწორედ ამიტომაა, რომ მათ არც უფიქრიათ და არც ესმით თუ რა არის მათი ეროვნული ინტერესი და რა არის სხვისი. მათთვის სამყარო არ იყოფა ჩვენებად და უცხოებად, საკუთრად და სხვისად. ნაცვლად ამისა თანამედროვე პოლიტიკას ინფანტილურად კარგებისა და ცუდების კატეგორიებით ზომავენ. სწორედ ამიტომაა ჩვენი მთავარი მტერი პირველ რიგში უმწიფრობა და ინფანტილიზმი, რისი შედეგებიც საკუთარ თავზე არაერთხელ გვიწვნევია. საბედნიეროდ, საქართველოში დადგა დრო მეტი ფიქრის, განსჯის, წინდახედულობის, მეტი გონიერებისა და შორსმჭვრეტელობის, სიბრძნისა და გამჭრიახობის“, - განაცხადა პაპუაშვილმა.

ავტორი: NS (სტატია დაფინანსებულია),

სოციალური ქსელები

ბერდია სიჭინავა - ჩორჩანა ოკუპაციას რომ გადარჩა, ეს შემდგარი ფაქტია

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი