“ფსიქიკური ჯანმრთელობა - სერვისები და თანამედროვე გამოწვევები“ - ჯანდაცვის მინისტრმა, მიხეილ სარჯველაძემ „ფსიქიკური ჯანმრთელობის დღისადმი" მიძღვნილ ღონისძიებაში მიიღო მონაწილეობა. ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, შეხვედრის მიზანი ფსიქიკურ ჯანმრთელობასთან დაკავშირებული გამოწვევების შესახებ ინფორმაციის გავრცელებასა და ცნობადობის ამაღლებასთან ერთად, ფსიქიკური ჯანმრთელობის პრობლემებთან დაკავშირებულ სოციალურ სტიგმებთან ბრძოლაა. 

"ღონისძიებაზე, შეხვედრის მონაწილეებმა, ფსიქიკური ჯანმრთელობის პრობლემების მქონე პირთა უფლებების დაცვაზე გამოვლენილ გამოწვევებსა და მათი გადაჭრის გზებზე ისაუბრეს.

განსაკუთრებული ყურადღება დაეთმო ფსიქიკური ჯანმრთელობის მქონე პირების ინდივიდუალური საჭიროებების გათვალისწინებას.

მიხეილ სარჯველაძის განცხადებით, ფსიქიკური ჯანმრთელობის დაცვა, ჯანდაცვის სფეროში ერთ-ერთი უმთავრესი პრიორიტეტია.

ასევე, მოწვეულ სტუმრებს სიტყვით  მიმართეს „ფსიქიკური ჯანმრთელობის ეროვნული ცენტრის“ დირექტორმა გოჩა ბაკურაძემ და დეპუტატმა გივი ჭიჭინაძემ.

ღონისძიების დასასრულს, ბენეფიციარების ნახატების გამოფენა გაიმართა.

შეხვედრა, ხონში, "ფსიქიკური ჯანმრთელობის ეროვნულ ცენტრში" გაიმართა და მას  მინისტრის მოადგილე თეა გიორგაძე, ფსიქოლოგები, ფსიქიატრები და ცენტრის თანამშრომლები დაესწრნენ",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები