გლდანში, I მიკრორაიონის N19-19ა კორპუსებთან სკვერი მოეწყო. ჯამში, სკვერის მოწყობის სამუშაოები 1 300 კვადრატულ მეტრამდე ფართობზე განხორციელდა. ტერიტორიაზე მოეწყო ბავშვთა გასართობი და მოსასვენებელი ზონები, მოსასვენებელი პავილიონი, ფიტნეს ზონა. დამონტაჟდა გარე განათებისა და სარწყავი სისტემები. ადგილზე განხორციელდა გამწვანების სამუშაოები.  ასევე, განთავსდა სკვერისთვის საჭირო სხვა ინფრასტრუქტურა. რეაბილიტაცია ჩაუტარდა სპორტულ მოედანსაც. 

ჯამში, აღნიშნული სამუშაოებისთვის გამგეობის ბიუჯეტიდან 353 365 ლარი დაიხარჯა. 

ამასთან, მიმდინარე წელს გამგეობის მიერ სკვერი მიმდებარედ, I მიკრორაიონის N17-18-20 კორპუსებთანაც მოეწყო. 

დასრულებულ სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე, მერის მოადგილესთან კახა გულედანთან და საკრებულოს წევრ ვლადიმერ ბოჟაძესთან ერთად გაეცნო. 

"ბოლო პერიოდში პირველი მიკრორაიონის N17-18-20 კორპუსებთან გავხსენით სკვერი. ახლა კი, მის მიმდებარედ 19-19ა კორპუსებთან მოვაწყვეთ რეკრეაციული ზონა.  ჯამში, ორივე მისამართზე  3 000 კვადრატულ მეტრამდე მოუწესრიგებელი სივრცე ავითვისეთ  და მოსახლეობას მრავალფუნქციური მოსასვენებელი ადგილი შევუქმენით. გლდანის გამგეობისთვის მწვანე სივრცეების მოწყობა ერთ-ერთი მნიშვნელოვანი და საჭირო მიმართულებაა და კიდევ არაერთ სკვერს შევმატებთ რაიონს",- განაცხადა ბესიკ კალაძემ.

ინფორმაციას გლდანის გამგეობა ავრცელებს. 

ავტორი: NS (სტატია დაფინანსებულია),

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები