2024-10-07 20:19:09, 330 ნახვა
პოლიტიკა
ზურაბიშვილი - გაყალბების მთავარი დამარცხება მობილიზაციაა
გაყალბების მთავარი დამარცხება არის მობილიზაცია, - ამის შესახებ საქართველოს პრეზიდენტმა, სალომე ზურაბიშვილმა დღევანდელ ბრიფინგზე განაცხადა.
როგორც ზურაბიშვილმა აღნიშნა, ყველა ადამიანი უნდა მივიდეს არჩევნებზე და არცერთი ხმა არ უნდა დარჩეს გამოუყენებელი.
"არაერთხელ მითქვამს და მინდა რომ გავიმეორო, მთავარი დამარცხება გაყალბების, რომელიც მზადდება ყველა მხრიდან და ამას ჩვენ ძალიან კარგად ვხედავთ, დამარცხება გაყალბების არის მობილიზაცია. არის ყველას მისვლა.
ასე რომ თქვენი, ჩემი, ყველასი, ჩვენი ვალდებულებაა რომ მივიდეთ არჩევნებზე. არცერთი ხმა არ დარჩეს გამოუყენებელი, იმისთვის რომ ეს ქვეყანა დავიცვათ, მისი დამოუკიდებლობა დავიცვათ, დავიცვათ მისი ევროპული მომავალი",- განაცხადა სალომე ზურაბიშვილმა.
ავტორი: ექსპრესნიუსი,
epn.ge (@expressnews.ge)
