თელ ავივში იაფაში უცნობმა პირებმა გამვლელებს ცეცხლი გაუხსნეს. The Times of Israel-ის ცნობით, რვა ადამიანი დაიღუპა და 10-ზე მეტი დაშავდა.

ტერორისტები ტრამვაიდან გადმოვიდნენ და იქ მყოფ მგზავრებზე სროლა დაიწყეს, წერს ისრაელის ხმა ტელეგრამის არხი. ისრაელის პოლიციამ მომხდარს ტერორისტული თავდასხმა უწოდა.

The Jerusalem Post-ის ცნობით, ისრაელის პოლიციამ ესროლა და მოკლა ორი ტერორისტი, რომლებმაც ცეცხლი გახსნეს.
როგორც ისრაელის ხმა აღნიშნავს, ეს არის „ყველაზე სისხლიანი ტერაქტი თელ-ავივში ბოლო პერიოდში“.

Ynet-მა გამოაქვეყნა სავარაუდო ტერორისტების CCTV-ს ფოტოები.
ისრაელის თავდაცვის ძალებმა ოფიციალურად გამოაცხადეს "შეზღუდული და ლოკალიზებული" სახმელეთო ოპერაციის დაწყება ჰეზბოლას ტერორისტების წინააღმდეგ სამხრეთ ლიბანის სასაზღვრო რაიონებში, იუწყება IDF-ის პრესსამსახური. მთელ ოპერაციას "ჩრდილოეთის ისრები" ჰქვია. მისი მიზანია უზრუნველყოს, რომ ისრაელის ჩრდილოეთ სასაზღვრო თემების მაცხოვრებლებს შეეძლოთ უსაფრთხოდ დაბრუნდნენ თავიანთ სახლებში, სადაც 60,000 ადამიანი იძულებული გახდა დაეტოვებინა ჰეზბოლას მუქარის გამო.

სახმელეთო შემოსევამდე ისრაელი ორი კვირის განმავლობაში აქტიურად ბომბავდა ლიბანს. დაბომბვის შედეგად დაიღუპა ჰეზბოლას თითქმის ყველა უმაღლესი მეთაური, მათ შორის მისი ლიდერი ჰასან ნასრალა. ლიბანის ხელისუფლების ინფორმაციით, დაბომბვის შედეგად ასევე დაიღუპა ათასი ადამიანი.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ