2024-10-01 10:52:39, 461 ნახვა
მსოფლიო
ისრაელის სამხედრო ძალებმა ლიბანის საზღვართან მდებარე 3 ქალაქი დახურულ სამხედრო ზონად გამოაცხადეს
ისრაელის სამხედრო ძალებმა ლიბანის საზღვართან მდებარე 3 ქალაქი დახურულ სამხედრო ზონად გამოაცხადეს. ამის შესახებ ინფორმაციას CNN ავრცელებს.
მედიის ცნობით, სამოქალაქო პირებს არ აქვთ უფლება, შევიდნენ ამ ზონაში, რაც ზრდის მოლოდინს ლიბანში სამხედრო ოპერაციების დაწყებასთან დაკავშირებით.
"სიტუაციის შეფასების შემდეგ, ჩრდილოეთ ისრაელში მეტულის, მისგავ-ამისა და კფარ-გილადის ტერიტორიები დახურულ სამხედრო ზონად გამოცხადდა. ამ ტერიტორიაზე შესვლა აკრძალულია", - აღნიშნულია ისრაელის თავდაცვის ძალების მიერ გავრცელებულ განცხადებაში.
CNN-ის ინფორმაციით, სავარაუდოდ, ეს ტერიტორია ისრაელის სამხედრო ძალების დისლოკაციის ადგილი გახდება.
ავტორი: ექსპრესნიუსი,
epn.ge (@expressnews.ge)
