2024-09-26 21:42:41, 672 ნახვა
მსოფლიო
ბლინკენი - ბირთვული დოქტრინის შეცვლასთან დაკავშირებით პუტინის განცხადება უპასუხისმგებლობაა
ბირთვული დოქტრინის შეცვლასთან დაკავშირებით ვლადიმერ პუტინის განცხადება უპასუხისმგებლობაა, - ასე გამოეხმაურა აშშ-ის სახელმწიფო მდივანი ენტონი ბლინკენი რუსეთის პრეზიდენტის, ვლადიმერ პუტინის მიერ ქვეყნის ბირთვული დოქტრინის შეცვლასთან დაკავშირებულ განცხადებას.
ბლინკენის თქმით, აუცილებელია განცხადების გაკეთება ასეთი ბირთვული რიტორიკის დაუშვებლობის შესახებ.
“ეს სრული უპასუხისმგებლოა. ვფიქრობ, მსოფლიოში ეს ბევრმა, მათ შორის ჩინეთმაც ნათლად გამოხატა, როდესაც ბირთვული იარაღით ადრე იმუქრებოდა“, - განაცხადა ბლინკენმა.
ავტორი: ექსპრესნიუსი,
epn.ge (@expressnews.ge)
