ჩვენ ვიცით, რომ საქართველომ აირჩია გზა, რომელიც არ არის სწორი და მართალი. მე იმედი მაქვს, რომ ეს სიტუაცია გამოსწორდება,- ამის შესახებ ამერიკის შეერთებული შტატების სახელმწიფო მდივნის თანაშემწემ ევროპისა და ევრაზიის საკითხებში, ჯეიმს ობრაიენმა აშშ-ის სენატის საგარეო ურთიერთობათა კომიტეტის სხდომაზე განაცხადა.

მისი თქმით, "სანქციებს  არა მხოლოდ იმათზე დააწესებენ, ვინც კორუფციით სარგებლობს, არამედ იმათზე, ვინც ხელს უწყობს ადამიანის უფლებების დარღვევას".

“ჩვენ ვხედავთ, რომ საქართველოში მართველი პარტია უარს ამბობს ევროკავშირის გზაზე. ჩვენ ვიცით, რომ საქართველოს მოსახლეობა მხარს უჭერს ევროატლანტიკურ ინტეგრაციას და ამან აიძულა მთავრობა, რომ ჩაედოთ ეს პუნქტი კონსტიტუციაში.

ამ ეტაპზე, ჩვენ უნდა ვიცოდეთ, რომ საქართველო და ქართველი ხალხი ითხოვს გაერთიანებას იმ ორგანიზაციებში, რომელშიც ჩვენ ვართ გაერთიანებული. მაგრამ მათ უნდა იცოდნენ ამ ორგანიზაციების წესები. ამის პირველი მაჩვენებელი კი, სამართლიანი არჩევნები იქნება.

“უცხოური გავლენის შესახებ" კანონი, შესაძლოა, ყოფილიყო ანალოგიური ევროკავშირის კანონისა და არა "რუსული კანონის". ასევე, ძალიან მნიშვნელოვანია, რომ ანაკლიის პორტის მშენებლობა იყოს შეჩერებული. ახლა კი, ძალიან საეჭვოდ ჩინურ კომპანიას გადაეცა.

მე ვფიქრობ, რომ საქართველო, შესაძლოა, ყოფილიყო ძალიან მნიშვნელოვანი პარტნიორი ზოგადი, შავი ზღვის უსაფრთხოების თეორიისა.

ჩვენ ვიცით, რომ საქართველომ აირჩია გზა, რომელიც არ არის სწორი და მართალი. მე იმედი მაქვს, რომ ეს სიტუაცია გამოსწორდება.

ჩვენ ვიცით, რომ გადაიდო სამხედრო წვრთნები ამერიკელებსა და ქართველებს შორის და ჩვენ ასევე ბევრი სათქმელი გვექნება. ევროკავშირი ამბობს, რომ საქართველოს გაწევრიანება შეჩერებულია. ჩვენ აქტიურად განვიხილავთ საშუალებას და შესაძლებლობას, რომ დავაწესოთ სანქციები არა მხოლოდ იმათზე, ვინც სარგებლობს კორუფციით, არამედ იმათზე, ვინც ხელს უწყობს ადამიანის უფლებების დარღვევას. ჩვენ ასევე დავაწესეთ შეზღუდვები შეერთებულ შტატებში შესვლაზე, ანუ სავიზო შეზღუდვები და ჩვენ ვფიქრობთ, რომ საქართველოს მთავრობისთვის გზა ამის გამოსწორებისთვის არის სამართლიანი არჩევნების ჩატარება“,- ამბობს ობრაიენი.

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე