პარლამენტის პლენარულ სხდომაზე, კენჭისყრისას, სხვისი პულტების სავარაუდო გამოყენებას ჰქონდა ადგილი.

აღნიშნულთან დაკავშირებით განცხადება პარლამენტის თავმჯდომარემ დავით უსუფაშვილმა გააკეთა.

მისი თქმით, იმ დეპუტატებს შორის, რომლებიც დღეს კენჭისყრაში ფიზიკურად არ მონაწილეობდნენ, თუმცა მათი ხმა დაფიქსირდა ანი მიროტაძე, გოგი ლიპარტელიანი, ირაკლი სესიაშვილი, ნანა ყეინიშვილი და მარიკა ვერულაშვილი დაასახელა.

„კენჭისყრის პროცესში მე დამიკავშირდა ჩვენი კოლეგა, ქალბატონი ხათუნა, რომელმაც მიმითითა, რომ ჩვენი 11 კოლეგა არ იმყოფება სხდომათა დარბაზში და ამასობაში კენჭისყრაში იღებდა მონაწილეობას. ჩვენ ერთობლივად გადავამოწმეთ ეს საკითხი. აღმოჩნდა, რომ ზოგი მათგანი იმყოფება და მონაწილეობს, მაგალითად ბატონი ვახტანგიშვილი, ბატონი ოქრიაშვილი, ბატონი ჟვანია ბატონი სოსო ჯაჭვლიანი იყო და არ ვიცი სად არის ახლა, ქალბატონი ელისო ჩაფიძე იყო და არ არის. რაც შეეხება კოლეგებს, მიროტაძე, ლიპარტელიანი, სესიაშვილი, ყეინიშვილი, ვერულაშვილი, ესენი ვერ დაფიქსრიდნენ ვერც დარბაზში და ვერც მოწმეებში. ასე რომ მე გთხოვთ გავარკვიოთ ეს საკითხი“,- განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები