"გახსენით უბნები ემიგრანტებისთვის! ნუ გვპარავთ ხმას!" - ამ ლოზუნგით, 1-ელ ივლისს, 12:00 საათზე პარტიების - "გირჩი - მეტი თავისუფლება", "დროა" ორგანიზებით, საგარეო საქმეთა სამინისტროსთან აქცია გაიმართება.

ამის შესახებ დღეს გამართულ ბრიფინგზე, ალექსი (ბუკა) პეტრიაშვილმა ისაუბრა.

"როგორც თქვენთვის ცნობილია, "გირჩი - მეტი თავისუფლებისა" და "დროას" გუნდმა შვიდი თვის წინ დაიწყო კამპანია, რომელიც ეძღვნებოდა საარჩევნო უბნების გახსნას მსოფლიოს მასშტაბით ჩვენი ემიგრანტებისთვის.

საქართველოდან, არსებული ინფორმაციით, გასულია 1 მილიონ მოქალაქეზე მეტი. ჩვენ ამ კამპანიის ფარგლებში, მხარდაჭერა და აქტიური ჩართულობა მივიღეთ ჩვენი ემიგრანტებისგან. 90-ზე ქალაქში, ათობით ქვეყანაში გროვდებოდა ხელმოწერები და მსოფლიოს 35 ქალაქიდან შევიდა ოფიციალური მოთხოვნა საგარეო საქმეთა სამინისტროსა და ცენტრალურ საარჩევნო კომისიაში, რათა გაეხსნათ მათთვის უბნები. 

სამწუხაროდ, ამ დრომდე საგარეო საქმეთა სამინისტროს პასუხიც არ გაუცია და არავითარი მოქმედება არ დაუწყია. ჩვენ არ უნდა მივცეთ საშუალება ჩვენს მიერ გადახდილი გადასახადებით მოქმედ ხელისუფლებას, საგარეო საქმეთა სამინისტროს, ცენტრალურ საარჩევნო კომისიას, ჩვენს მოქალაქეებს მოპარონ ხმა და წაართვან კონსტიტუციით განსაზღვრული მათი უფლება. 

ამიტომ, ჩვენ, "გირჩში - მეტი თავისუფლება" და "დროას" გუნდმა გადავწყვიტეთ, 1-ელ ივლისს, 12:00-ზე გავაკეთოთ აქცია საგარეო საქმეთა სამინისტროსთან, ლეონიძის ქუჩაზე, რათა მოვთხოვოთ საგარეო საქმეთა სამინისტროს და ხელისუფლებას, რომ გახსნას უბნები. კამპანია გაგრძელდება, ჩვენ ვიბრძოლებთ ბოლომდე მათი უფლებებისთვის და ვიბრძოლებთ იმისთვის, რომ მილიონზე მეტ მოქალაქეს, ჩვენს მოქალაქეებს და თანამემამულეებს ჰქონდეთ ხმის მიცემის შესაძლებლობა",- განაცხადა პეტრიაშვილმა.

ავტორი: ექსპრესნიუსი,

სოციალური ქსელები

ტრამპი ამომრჩევლის მხარდაჭერას კარგავს: დემოკრატები რესპუბლიკელებს შვიდი პუნქტით უსწრებენ - NBC News

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს