სასტუმრო "თბილისი მარიოტში" ინტერპარტიული  ჯგუფის შეხვედრა მიმდინარეობს.

შეხვედრის მონაწილეები ვენეციის კომისიის წარმომადეგნლებთან და პრემიერთან დაგეგმილი შეხვედრის თაობაზე მსჯელობენ. 

როგორც "ახალი მემარჯვენეების" ლიდერმა მამუკა კაციტაძემ ჟურნალისტებს განუცხადა, ვენეციის კომისიის სამუშაო ჯგუფის საქართველოში ვიზიტი,   ინტერპარტიული ჯგუფის სტრასბურგში ვიზიტის შედეგია.

"მიუხედავად იმისა, რომ  ჩვენ ვენეციის კომისიის ხელმძღვანელობას  შევხვდით, კერძოდ,  კომისიის მდივანს, ყველა შეხვედრის შემდეგ ამ ჯგუფთან გვექნება აქ, თბილისში, შხვედრა და, ალბათ, ამ შეხვედრის შემდეგ დაიწყება  იმ დოკუმენტის შექმნა, რასაც ჰქვია შეფასებითი დოკუმენტი საქართველოში არსებულ საარჩევნო გარემოსთან დაკავშირებით",-განაცხადა მამუკა კაციტაძემ.

მისივე შეფასებით, თუ ხელისუფლების   მხრიდან  საარჩევნო გარემოს გასაუმჯობესებლად ქმედითი ნაბიჯები არ გადაიდგა,  ვენეციის კომისიის დასკვნა უარყოფითი იქნება "ყოველშემთხვევაში, იქნება გაჯერებული სერიოზული  ნაკლოვანებებით, რაც გავლენას მოახდენს 2016 წლის  საპარლამენტო არჩევნებზე. სწორედ ამიტომ, დღეს ჩენ  უნდა ვისაუბროთ  და მოვემზადოთ ვენეციის კომისიის  წარმომადგენლებთან  შესახვედრად ერთის მხრივ და მეორეს მხრივ, ჩვენ  კვირის ბოლო გვექნება დათქმული შეხვედრა პრემიერთან",-განაცხადა მამუკა კაციტაძემ.

მისივე განმარტებით, პრემიერმინისტრ გიორგი კვირიკაშვილთან შეხვედრაზე  საარჩევნო საკითხებზე ისაუბრებენ:

"ვისაუბრებთ ფორმატის  შექმნასთან და საარჩევნო  გარემოს  გაუმჯობესებასთან დაკავშირებით, ასევე იმაზე,  დღის წესრიგი როგორ გვექნება, რეგლამენტი როგორი გვექნება და ა.შ. ამასთან, ჩვენ უკვე საკომიტეტო მოსმენა გვქონდა ჩვენს მიერ ინიცირებული საკონსტიტუციო ცვლილებებისა და ამ პროექტთან დაკავშირებითაც  ვიმსჯელებთ დღევანდელ დღეს",-განაცხადა მამუკა კაციტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში