„არასწორი იყო ქალბატონი ეკა ბესელიას მოსაზრება, იმასთან დაკავშირებით, რომ საქართველოს პრეზიდენტს პოლიტპატიმრების საკითხთან ან ზოგადად რამე საკითხთან დაკავშირებით, აქვს ორმაგი სტანდარტი", - კახა კოჟორიძე ეკა ბესელიას პოლიტიკური პატიმრის სტატუსით გათავისუფლებულ პირებთან შეხვედრაზე გაკეთებულ განცხადებას პასუხობს.

პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარემ გიორგი მარგველაშვილი ორმაგი სტანდარტებით მოქმედებაში დაადანაშაულა, რასაც კახა კოჟორიძის პასუხი მოყვა.

"არასწორი იყო ქალბატონი ეკას მოსაზრება იმასთან დაკავშირებით, რომ საქართველოს პრეზიდენტს პოლიტპატიმრების ამნისტიის და პატიმართა შეწყალების საკითხთან დაკავშირებით ან ზოგადად რამე საკითხთან დაკავშირებით აქვს ორმაგი სტანდარტი. ეს ჩემთვის გასაკვირია, თუმცა ძალიან გასაკვირიც არ არის, იმიტომ რომ, სამწუხაროდ, ხშირად მსგავსი ტიპის განცხადებების უკან დგას ხოლმე გარკვეული პოლიტიკური მოტივები", - განაცხადა კოჟორიძემ.

მიპატიჟების მიუხედავად, მას არ დასწრებია ოპოზიცია და ალეკო ელისაშვილი, რომელიც უნდობლობას უცხადებს პროკურატურას და საპარლამენტო საგამოძიებო კომისიის შექმნას ითხოვს.

სხდომაზე უმრავლესობის მხრიდან კრიტიკა ოპოზიციის მიმართაც ისმოდა.

შეგახსენებთ, რომ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელიამ საქართველოს პრეზიდენტი ორმაგი სტანდარტებით მოქმედებაში დაადანაშაულა. შესაბამისი განცხადება ბესელიამ ადამიანის უფლებათა დაცვისა და სამოქალაქო ინტეგრაციის კომიტეტის გუშინდელ სხდომაზე გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში