საძოვრების მართვის თემაზე, მათ შორის მათ იდენტიფიკიაციაზე, საძოვრებით სარგებლობის ფორმებზე, დეგრადაციის პრევენციის უზრუნველყოფაზე და სხვა მასთან დაკავშირებულ მნიშვნელოვან საკითხებზე, შეხვედრაზე იმსჯელეს.  

შეხვედრას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე და საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი ესწრებოდნენ.

თენგიზ ნასარიძემ საძოვრების მართვის კუთხით არსებულ გამოწვევებზე ისაუბრა და აღნიშნა, რომ უახლოეს პერიოდში დასრულდება საძოვრების მართვის შესახებ კანონპროექტის შემუშავება.

„საძოვრების მართვა, წლების განმავლობაში, გამოწვევა იყო  როგორც ჩვენი ფერმერებისთვის, ისე ადგილობრივი და ცენტრალური ხელისუფლებისთვის. სამუშაო შეხვედრებზე შევჯერდით მთავარ საკითხებზე, რაც კანონპროექტში იქნება ასახული. ვფიქრობთ, რამდენიმე თვეში კანონპროექტს საზოგადოებას საჯარო განხილვების ფორმატში წარვუდგენთ. კანონპროექტი მუშავდება მოსახლეობის და ფერმერების ინტერესების სრულად გათვალისწინებით“, - აღნიშნა თენგიზ ნასარიძემ.

საძოვრების მართვის შესახებ კანონპროექტის მიზანი საძოვრების მდგრადი მართვის სამართლებრივი საფუძვლების შექმნით საძოვრების დეგრადაციის პრევენცია, ბიომრავალფეროვნების შენარჩუნება, პროდუქტიულობის გაუმჯობესება, ხელმისაწვდომობის უზრუნველყოფა და მეცხოველეობის დარგის მდგრადი განვითარების ხელშეწყობაა.

კანონპროექტი სახელმწიფო, მუნიციპალურ და კერძო საკუთრებაში არსებული საძოვრების; დაცულ ტერიტორიებში, მათ შორის დაცული ტერიტორიების სააგენტოს მიერ მართული, ასევე დაცულ ლანდშაფტებსა და მრავალმხრივი გამოყენების ტერიტორიებში და ტყეში, ასევე მათ ფარგლებს გარეთ მდებარე საძოვრების მართვას დაარეგულირებს. 

საქართველოს რეგიონული განვითარებისა და ინფრასტრუქტურის მინისტრის მოადგილის, მზია გიორგობიანის განცხადებით, მნიშვნელოვანია მსგავსი ფორმატის დიალოგი, რათა სწორად განისაზღვროს უწყებების როლი და ყველა მომზადებული შეხვდეს რეფორმას.

შეხვედრა პროექტის „მიწის დეგრადაციის ნეიტრალური ბალანსის (LDN) ეროვნული მიზნების მიღწევა დეგრადირებული საძოვრების აღდგენისა და მდგრადი მართვის გზით“ ფარგლებში, კავკასიის რეგიონული გარემოსდაცვითი ცენტრის (REC Caucasus) ორგანიზებით, გარემოს დაცვისა და სოფლის მეურნეობის სამინისტროს, გაეროს სურსათის და სოფლის მეურნეობის ორგანიზაციის (FAO) და გლობალური გარემოსდაცვითი ფონდის (GEF) მხარდაჭერით გაიმართა. 

ინფორმაციას გარემოს დაცვისა და სოფლის მეურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ