როგორც კი კითხვას დავსვამთ რომელიმე პარლამენტარი, მაშინვე გვაძევებენ, ბოდიში, მაგრამ მდინარაძეს და ოხანაშვილს რომ მოეწონებათ, ისეთ კითხვებს ვერ დავსვამთ, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა განაცხადა.

როგორც ხაბეიშვილმა აღნიშნა, "ნაციონალურ მოძრაობას“ და "სტრატეგია აღმაშენებელს“ "უცხოური გავლენის გამჭვირვალობის შესახებ" კანონპროექტთან დაკავშირებით, იურიდიული კომიტეტის სხდომაზე 122 შეკითხვა ჰქონდა.

"სამწუხაროდ, ამ კანონის მიღება არის კონკრეტული დავალება. ვწუხვარ ამ ადამიანების გამო. კოლექტიური დავალება აქვთ და ასრულებენ, ოღონდ უნდა გესმოდეთ, რომ ეს დავალება არის უარი ევროკავშირზე, ამ კანონს სხვა არანაირი ფუნქცია არ აქვს, არც ქვეყნის შიგნით და არც ქვეყნის გარეთ.

ერთადერთი ფუნქცია აქვს, რომ უარი თქვან ევროკავშირზე, პრობლემები შეექმნას სიტყვის თავისუფლებას, არასამთავრობო ორგანიზაციებს, ქვეყანაში დააბნელონ, ფეხებზე დაიკიდონ ჩვენი დასავლელი პარტნიორები და თან ლაპარაკობენ იმ დასავლეთზე, რომელიც მილიარდობით ლარით ეხმარება საქართველოს. ევროკავშირზე უარის თქმა ნიშნავს ათობით მილიარდი დოლარის დაკარგვას.

ევროკავშირის წევრობა ითვალისწინებს 10-დან 50 მილიარდ დოლარამდე ინვესტიციას და სხვადასხვა პროექტს საქართველოში და ეს იცით რას ნიშნავს? თქვენი ოჯახის წევრები ქვეყნიდან კი არ გაიქცევიან, არამედ აქ იქნება მაღალანაზღაურებადი სამუშო ადგილები, აქ იქნება ისეთი ეკონომიკა, სადაც ადამიანები კი არ გაიქცევიან, არამედ თავის შვილებთან, შვილიშვილებთან ერთად იცხოვრებენ და ამ ყველაფერზე ამბობს ივანიშვილი უარს და კანონს იღებს ასე ხელის გადაგრეხით, რომელიც არ სჭირდება არავის“, - განაცხადა ლევან ხაბეიშვილმა.

ცნობისთვის, ამ დროისთვის, იურიდიულ საკითხთა კომიტეტის სხდომიდან 10-ზე მეტი დეპუტატი გააძევეს, მათ შორის არის "ნაციონალური მოძრაობის" თავმჯდომარე ლევან ხაბეიშვილი.

ავტორი: ექსპრესნიუსი,

სოციალური ქსელები

ჰუმანიტარული დახმარების განაწილების დროს რუსებმა ზაპოროჟია დაბომბეს 29 დაიღუპა 48 ადამიანი დაკარგულად ითვლება

არასრულწლოვანს ფიზიკური ძალადობით, მოწყალების თხოვნასა და დღიურად 100 ლარის შეგროვებას აიძულებდნენ -დაკავებულია ორი პირი - ვიდეო

აშშ-ში შუალედური არჩევნები მიმდინარეობს, რომელიც პრეზიდენტ ტრამპის ბედსაც გადაწყვეტს

კობახიძე ბრიუსელში „ევრონიუსის" ორგანიზებით დაგეგმილ სამიტზე მიდის