"ერთიანი ნაციონალური მოძრაობა" და "სტრატეგია აღმაშენებელი" "ქართულ ოცნებას" "უცხოური გავლენის გამჭვირვალობის შესახებ" კანონპროექტის საკომიტეტო მოსმენის გადადებას სთავაზობს.

როგორც პარტიების მიერ გავრცელებულ ერთობლივ განცხადებაშია აღნიშნული, ხვალ, 29 აპრილს დაგეგმილი მოსმენის გადადება "აუცილებელია პროვოკაციებისა და სხვა გართულებების თავიდან აცილების მიზნით".

"მივმართავთ "ქართულ ოცნებას", პროვოკაციებისა და სხვა გართულებების თავიდან აცილების მიზნით, მიგვაჩნია, რომ  აუცილებელია ხვალინდელი საკომიტეტო მოსმენის გადადება. ჩვენ მზად ვართ, სხვა ნებისმიერ დღესაც დავესწროთ კომიტეტის სხდომას.   

ხვალ, 29 აპრილს საკომიტეტო მოსმენის დანიშვნა მაშინ, როცა ყველამ იცის, რომ ეს პროცესი იწვევს ბუნებრივ პროტესტს, არის პროვოკაცია ხელისუფლების მხრიდან,  მით უმეტეს როდესაც თვითონ "ქართულ ოცნებას" იძულებით ჩამოჰყავს საჯარო მოხელეები და დაანონსებული აქვს კონტრაქცია.  

თუ ხელისუფლება არ გაითვალისწინებს ამ გონივრულ რჩევას და არ გადადებს საკომიტეტო მოსმენას, ყველა გართულებაზე და მის შედეგზე პასუხისმგებლობა დაეკისრება "ქართულ ოცნებას",- ნათქვამია ერთობლივ განცხადებაში.

შეგახსენებთ, ხვალ, 29 აპრილს პარლამენტის იურიდიულ საკითხთა კომიტეტზე "უცხოური გავლენის გამჭვირვალობის შესახებ" კანონპროექტის მოსმენაა დაგეგმილი. 

ხვალვე, "ქართული ოცნება" რუსთაველის გამზირზე, პარლამენტის სასახლის წინ შეკრებას აანონსებს. დედაქალაქში 29 აპრილს კანონპროექტის საწინააღმდეგო აქციაც არის ჩანიშნული.

ავტორი: ექსპრესნიუსი,

სოციალური ქსელები

საია: ვიწროვდება პოლიტიკური გაერთიანებისა და არჩევნებში მონაწილეობის შესაძლებლობები

ბერა ივანიშვილის ადვოკატმა "ფორმულას" და "ტვ პირველის" წინააღმდეგ სასამართლოში სარჩელი შეიტანა

არმიის გენერალი დენის პროკოპენკო - პეტროპავლოვსკა ბორშჩაგოვკაში მომხდარი მოვლენების ირგვლივ მიმდინარე საინფორმაციო კამპანია რუსეთის სასარგებლოდ მუშაობს

ბუდანოვი - მოვლენები პეტროპავლოვსკა ბორშჩაგვიკაში მიუღებელია სახელმწიფოსთვის და ზიანს აყენებს უკრაინელების ერთიანობას