დღეს იმ საუკუნის აფერას წლისთავია, რომელიც პოლიტიკურმა ჯგუფებმა თავისი პატრონების მეშვეობით შემოგვთავაზეს და დააჯერეს ქართველი ახალგაზრდების ნაწილს, რომ ამერიკული კანონის პირდაპირი თარგმანი, კანონი, რომელიც ამერიკაში მოქმედებს, თურმე არის რუსული. ამ სითავხედის პიარკამპანია დაალაგეს, ამის წლისთავია, მაგრამ ქართველი ახალგაზრდები ამაზე აღარასდროს წამოეგებიან იმიტომ, რომ ერთი და იმავე "ფეიკ" მდინარეში შესვლას აღარავინ აპირებს, მათ შორის, ქართველი ახალგაზრდები, რომლებიც თავის მომავალზე იზრუნებენ და დადგებიან ყოველთვის სიმართლის მხარეს და არ წამოეგებიან ისეთ "ფეიკებს", რომელიც შარშან შემოგვთავაზა მათმა კამპანიამ,- ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებთან განაცხადა.

კითხვაზე, თუ რა აჩვენა შარშანდელმა მარტის მოვლენებმა, მდინარაძემ აღნიშნა, რომ "საუკუნის აფერა დალაგდა და წელსაც გამოჩნდა, რომ საქართველოში "ენჯეოები" პოლიტიკური მიზნებისთვის ფინანსდებიან". 

"ერთი წლისთავზე აჩვენა ის, რომ ერთი, საუკუნის აფერა დალაგდა, მის სათავეში "ნაცებთან" ერთად ხაზარაძე იდგა იმიტომ, რომ ეს  მისი სამარკო ნიშანია - აფერას და ამ აფერას თან სდევდა, სამწუხაროდ, გარედან დიდი მხარდაჭერა. ამ დიდ მხარდაჭერას განაპირობებდა ის, რომ ბევრ ადამიანს, ბევრ ჯგუფს არ უნდოდა ეღიარებინა, რომ "ენჯეოსექტორი" ცოტა სხვა მიზნებისთვის ფინანსდება, ვიდრე ეს ქართველ ხალხს ჰგონია. "ენჯეოსექტორმა" მაშინ დაიცვა თავისი გაუმჭვირვალე ფინანსები და საკმაოდ წარმატებითაც, თუმცა მიუღებელმა კანონმა თავის საქმე გააკეთა და ყველას აჩვენა, რომ ერთი, ეს იყო საუკუნის აფერა, ამერიკული კანონის პირდაპირი თარგმანი, ანუ ამერიკაში ახლაც მოქმედი კანონი საქართველოში მოინათლა რუსულ კანონად, ამაზე დიდი საუკუნის აფერა რა უნდა ყოფილიყო და წელს უკვე, რამდენიმე დღის წინ, მათ შორის NED-ის ხელმძღვანელის განცხადებიდანაც კი გამოჩნდა, რომ საქართველოში "ენჯეოები" ფინანსდებიან პოლიტიკური მიზნებისთვის. ფინანსდებიან იმისთვის, რომ იდგნენ არა "ენჯეოს" საქმიანობის, არამედ ლგბტ პროპაგანდის მხარეს. ფინანსდებიან იმისთვის, რომ პოლიტიკური მავნებლობის მხარეს იდგნენ და ამის გამჭვირვალობა არავის აწყობს",- ამბობს მდინარაძე.

ავტორი: NS (სტატია დაფინანსებულია),

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო