2024-01-11 22:26:54, 693 ნახვა

---

ეროვნული ბიბლიოთეკის დირექტორის თანამდებობაზე გიორგი კეკელიძეს კონსტანტინე გამსახურდია შეცვლის

ეროვნული ბიბლიოთეკის დირექტორის თანამდებობაზე გიორგი კეკელიძეს კონსტანტინე გამსახურდია შეცვლის. აღნიშნული ინფორმაცია გამსახურდიამ "რადიო თავისუფლებას" დაუდასტურა.

გამსახურდიამ აღნიშნა, რომ შეთავაზება პარლამენტის თავმჯდომარისგან, შალვა პაპუაშვილისგან მიიღო.

"ვადასტურებ და ჩემი თანხმობაც არის. მუშაობის დაწყებას გარკვეული დრო დასჭირდება, მაგრამ არცთუ დიდი. აქ არის გარკვეული პროცედურული საკითხები", - განაცხადა გამსახურდიამ.

ცნობისთვის დღეს ეროვნული ბიბლიოთეკის დირექტორმა, გიორგი კეკელიძემ სოციალურ ქსელ Facebook-ზე დაწერა, რომ მას პარლამენტის თავმჯდომარე შეხვდა და თანამდებობიდან გადადგომა მოსთხოვა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი