შუახევის მუნიციპალიტეტის საკრებულომ 2024 წლის ადგილობრივი ბიუჯეტი დაამტკიცა. ამის შესახებ ინფორმაციას შუახევის მუნიციპალიტეტის მერია ავრცელებს.

მათივე ცნობით, მუნიციპალიტეტის მთავარი ფინანსური დოკუმენტი და პრიორიტეტები შუახევის მუნიციპალიტეტის მერმა, ომარ ტაკიძემ და საფინანსო-საბიუჯეტო სამსახურის უფროსმა, ანზორ ცეცხლაძემ წარადგინეს.

2024 წლის საწყისი ბიუჯეტი, გასული წლის საწყის ბიუჯეტთან შედარებით 2 760 000 ლარით გაიზარდა და 21 860 000 ლარს შეადგენს, რომელიც 2024 წლის ბოლოსთვის 25 000 000 ლარამდე გაიზრდება.

ბიუჯეტი გაზრდილია მუნიციპალური მომსახურების ყველა სფეროში, ორიენტირებულია ადგილობრივ მოსახლეობაზე და მათ საჭიროებებზე, რომელიც საშუალებას იძლევა, წლის განმავლობაში მუნიციპალიტეტში განხორციელდეს არაერთი მნიშვნელოვანი პროექტი, როგორც ინფრასტრუქტურული, ასევე ჯანდაცვისა და სოციალური, საგანმანათლებლო-კულტურული და ახალგაზრდული მიმართულებით.

საკრებულომ დღეს ასევე დაამტკიცა ,,შუახევის მუნიციპალიტეტის საშუალოვადიანი განვითარების 2024-2027 წლების დოკუმენტი“ და ,,შუახევის მუნიციპალიტეტის საშუალოვადიანი განვითარების დოკუმენტის 2024-2025 წლების სამოქმედო გეგმა“.

ავტორი: NS (სტატია დაფინანსებულია),

სოციალური ქსელები

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში