პროექტი „ჩვენი ჯარი“ საქართველოს უმაღლეს სასწავლებლებში 2023-2024 სასწავლო წელსაც გაგრძელდა და უფრო მასშტაბური სახე მიიღო. დღეს სამხედრო მოსამსახურეებმა კავკასიის საერთაშორისო უნივერსიტეტის სამართლის ფაკულტეტის სტუდენტებთან გამართეს შეხვედრა და თავდაცვის ძალების შესახებ გაცნობითი პრეზენტაცია წარუდგინეს, - ამის შესახებ აღნიშნლია თავდაცვის სამინისტროს მიერ გავრცელებულ ინფორმაციაში.

მათივე განცხადებით, შეხვედრაზე ერთ-ერთ აქტუალურ თემას თავდაცვის ძალების კოდექსში გათვალისწინებული წვევამდელთა ეროვნული სამხედრო სამსახური და სამსახურის გავლის სხვადასხვა შესაძლებლობა წარმოადგენდა. სტუდენტებმა ჯარში მოხვედრისა და სამსახურის, სამხედრო განათლების მიღებისა და კარიერული წინსვლის შესახებ სრულყოფილი ინფორმაცია მიიღეს.

"თავდაცვის ძალების მოქმედი სამხედრო მოსამსახურეები კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა ფაკულტეტის სტუდენტებს უკვე შეხვდნენ. პარალელურად, ჯარისკაცები რეგიონებში მდებარე უნივერსიტეტებს სტუმრობენ. მიმდინარე სასწავლო წელს სამხედროების მხრიდან სტუდენტებთან ინფორმაციულ შეხვედრებს დედაქალაქის გარდა, ბათუმის, ზუგდიდის, ქუთაისის, თელავის, გორის, ახალციხის სახელმწიფო უნივერსიტეტები უმასპინძლებენ, სადაც ახალგაზრდებს სამხედრო თემატიკასთან დაკავშირებით რეალური ინფორმაციის მიღების შესაძლებლობა აქვთ.

საქართველოს თავდაცვის სამინისტროსა და განათლებისა და მეცნიერების სამინისტროს ერთობლივი პროექტი „ჩვენი ჯარი“ საქართველოს თავდაცვის ძალების შესახებ ცნობიერების ამაღლებას, პატრიოტული სულისკვეთების გაღრმავებასა და სამხედრო-სამოქალაქო ურთიერთობების ხელშეწყობას ისახავს მიზნად. „ჩვენი ჯარი“ საქართველოს მასშტაბით სკოლებშიც აქტიურად მიმდინარეობს", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო