ირაკლი მეზურნიშვილი - მაქვს იმედი, რომ საზოგადოება მალე იზეიმებს სტატუსთან დაკავშირებით პოზიტიურ გადაწყვეტილებას

2023-12-08 17:33:16, 566 ნახვა

პოლიტიკა

დასრულდა ბუდაპეშტში ოფიციალური შეხვედრები და შემიძლია სრული პასუხისმგებლობით ვთქვა, რომ ეს ვიზიტი წარმატებული იყო,- ამის შესახებ საპარლამენტო უმრავლესობის წევრმა, ირაკლი მეზურნიშვილმა განაცხადა.

მისი თქმით, ზოგადად, ევროპა უმნიშვნელოვანესი გადაწყვეტილების წინაშეა საქართველოსთვის კანდიდატის სტატუსის მინიჭებასთან დაკავშირებით.

მეზურნიშვილი დარწმუნებულია, რომ გადაწყვეტილება პოზიციური იქნება.

„ჩვენ ამას ნამდვილად ვიმსახურებთ. უნდა აღდგეს ის სამართლიანობა, რაც ერთგვარად, ერთი წლის წინ დარღვეულ იქნა. მაშინაც ვიმსახურებდით, მიუხედავად ამისა, დიდი შრომა ჩაიდო, ყველამ ძალიან ბევრი რამ გააკეთა, რათა მივიღოთ სტატუსი. მაქვს იმედი, რომ რამდენიმე დღეში, დეკემბრის შუა რიცხვებში მთელი ჩვენი საზოგადოება იზეიმებს ამ გადაწყვეტილებას და ევროინტეგრაციის გზაზე საქართველოს წარმატებული სვლა გაგრძელდება. ჩვენ ერთად ვართ და მომავალშიც უფრო გაძლიერდება საქართველოს პოზიციები ევროპაში, რაც ძალიან დიდ წარმატებას მოუტანს ჩვენს ქვეყანას“,- განაცხადა მეზურნიშვილმა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),