კეზერაშვილის შემდეგ ჩვენ გვყავს მეორე თვითაღიარებული ოლიგარქი. ისედაც ყველამ იცოდა, რომ ხაზარაძე იყო ოლიგარქი - მას გარდა იმისა, რომ საკუთარი პარტია აქვს შექმნილი, აქვს პირდაპირი გავლენები ტელევიზიებზე,- ამის შესახებ "ქართული ოცნების" თავმჯდომარემ, ირაკლი კობახიძემ "ლელოს" ლიდერთან, მამუკა ხაზარაძესთან დაკავშირებით განაცხადა.

როგორც კობახიძემ ჟურნალისტებთან საუბრისას თქვა, ხაზარაძემ "ფული კორუფციით იშოვა".

"ამის მიღმა, რაც ჯერ მას არ უღიარებია, ეს არის ტელეკომპანია "მთავარზე" გავლენა. შემიძლია გაგიზიაროთ ის ინფორმაცია, რაც გვაქვს. ის უხდის თვეში 200 ათას ლარს "ტვ პირველს" და 240 ათას ლარს "მთავარს", რის ხარჯზეც აქვს უზრუნველყოფილი გარკვეული დაფარვა ამ ტელეკომპანიებში. ეს მას შეთანხმებული აქვს კეზერაშვილთან, "ნაცმოძრაობის" ლიდერებთან. ეს არის კოლექტიური "ნაცმოძრაობის" სქემა. ის ახორციელებს შესაბამისი ტელევიზიების დაფინანსებას, რომ მიიღოს შესაბამისი სატელევიზიო დაფარვა. მამუკა ხაზარაძე არის ჩვეულებრივი კორუმპირებული ოლიგარქი, რომელსაც კორუფციით აქვს ნაშოვნი ფული ჯერ კიდევ 90-იან წლებში, მერე სააკაშვილის რეჟიმიდანაც შოულობდა ფულს, ბიზნესის რეკეტის სქემაში იყო ჩართული. ის ვერ გაუტოლდებოდა სააკაშვილს, ადეიშვილს, კეზერაშვილს, მაგრამ იყო ერთ-ერთი მთავარი ფიგურანტი იმ სქემისა, რომელიც იყო დაკავშირებული ბიზნესის რეკეტთან. ამის კონკრეტული დამამტკიცებელი საბუთებიც არსებობს, სადაც პირდაპირ ფიგურირებს ხაზარაძე, როგორც რეკეტი. ის არის ოლიგარქი და ეს იყო მისი თვითაღიარება",- ამბობს კობახიძე.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება