2023-11-18 15:04:18, 708 ნახვა
მსოფლიო
ბორელი - „ჰამასი“ ღაზას ვეღარ გააკონტროლებს, მისი მართვა მხოლოდ პალესტინის ეროვნულ ადმინისტრაციას შეუძლია
„ჰამასი“ ღაზას ვეღარ გააკონტროლებს, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა ბაჰრეინში საგარეო და უსაფრთხოების პოლიტიკის შესახებ გამართულ ყოველწლიურ კონფერენციაზე განაცხადა.
ბორელის თქმით, ღაზას სექტორის მართვა მხოლოდ პალესტინის ეროვნულ ადმინისტრაციას შეუძლია.
„ღაზას „ჰამასი“ ვეღარ გააკონტროლებს. მაშ, ვინ გააკონტროლებს ღაზას? მე ვფიქრობ, რომ ამის გაკეთება მხოლოდ ერთს, პალესტინის ეროვნულ ადმინისტრაციას შეუძლია“, - განაცხადა ბორელმა.
ავტორი: ექსპრესნიუსი,
epn.ge (@expressnews.ge)
