2023-11-15 09:57:00, 605 ნახვა

---

„ჰამასი“ - ალ-შიფას საავადმყოფოზე განხორციელებულ თავდასხმაში დამნაშავეები ისრაელი და აშშ არიან

ღაზაში, ალ-შიფას საავადმყოფოზე განხორციელებულ თავდასხმაში დამნაშავეები ისრაელი და ამერიკის შეერთებული შტატები არიან, - აღნიშნულის შესახებ განცხადებას ტერორისტული დაჯგუფება „ჰამასი“ ავრცელებს.

„ჰამასისი“ განცხადების თანახმად, აშშ-მა ისრაელს მშვიდობიანი მოსახლეობის მოკვლის მხარდაჭერით „მწვანე შუქი აუნთო“. 

„გაეროს დუმილი, მრავალი ქვეყნისა და რეჟიმის ღალატი არ შეაფერხებს პალესტინელი ხალხის მიჯაჭვულობას თავის მიწაზე და ლეგიტიმურ ეროვნულ უფლებებზე“, - ნათქვამია განცხადებაში.

ამასთან, დაჯგუფება ისრაელის განცხადებას, რომ ალ-შიფას საავადმყოფოს „ჰამასი“, როგორც სამეთაურო ცენტრსა და საკონტოლო ბაზას, ისე იყენებს, ცრუ ნარატივს უწოდებს.

ცნობისთვის, ისრაელის თავდაცვის ძალების განცხადებით, ალ-შიფას საავადმყოფოში „ჰამასის“ წინააღმდეგ ოპერაცია დაიწყო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი