2023-11-13 16:55:40, 918 ნახვა
მსოფლიო
მიმდინარე კვირაში ჯოზეფ ბორელი ახლო აღმოსავლეთს ეწვევა
ევროკავშირის უმაღლესი წარმომადგენელი ჯოზეფ ბორელი მიმდინარე კვირაში ახლო აღმოსავლეთს ეწვევა. აღნიშნულის შესახებ ბორელი X-ზე (ყოფილ Twitter-ზე) წერს.
ბორელის თქმით, ვიზიტის მიზანი ღაზას სექტორში ჰუმანიტარული დახმარების და სხვა პოლიტიკური საკითხების განხილვაა.
"მიმდინარე კვირაში ისრაელში, პალესტინაში, ბაჰრეინში, საუდის არაბეთში, კატარსა და იორდანიაში გავემგზავრები, რათა ღაზას სექტორში ჰუმანიტარული დახმარება და სხვა პოლიტიკური საკითხები განვიხილო. ჩვენ გვჭირდება პოლიტიკური ჰორიზონტი, რათა ორი სახელმწიფოს საკითხი გადავწყვიტოთ. ამის მიღწევა მხოლოდ დიალოგით არის შესაძლებელი", - წერს ბორელი.
ავტორი: ექსპრესნიუსი,
epn.ge (@expressnews.ge)
