ამერიკის შეერთებული შტატების სახელმწიფო მდივანი ენტონი ბლინკენი, თურქეთში ვიზიტის ფარგლებში, ქვეყნის საგარეო საქმეთა მინისტრს, ჰაკან ფიდანს შეხვდა. ამის შესახებ CNN წერს.

ანკარაში გამართულ შეხვედრამდე სახელწიფო დეპარტამენტი ავრცელებდა ინფორმაციას, რომ აშშ-ის უმაღლესი დიპლომატი ფიდანთან ღაზას სექტორში არსებულ ჰუმანიტარულ ვითარებასა და  კონფლიქტის გაფართოების თავიდან აცილების აუცილებლობას გაუსვამდა ხაზს.

ბლინკენი ისრაელსა და ღაზას სექტორში "სამოქალაქო პირების სიცოცხლის დაცვის მნიშვნელობაზეც" ისაუბრებდა, როგორც ამას სახდეპი იტყობინება.

CNN წერს, რომ თურქეთში ვიზიტის ფარგლებში, არ არის მოსალოდნელი, რომ ენტონი ბლინკენი შეხვდეს პრეზიდენტ რეჯეფ თაიფ ერდოღანს, რომელიც "ღაზაში ისრაელის ქმედებებს" მკაცრად გმობს და ამბობს, რომ თურქეთი ისრაელის "ომის დამნაშავედ" გამოცხადებას გეგმავს.

ერდოღანი "ჰამასს" ტერორისტულ ორგანიზაციად არ აღიარებს და აცხადებს, რომ პრემიერ-მინისტრ ბენიამინ ნეთანიაჰუსთან კომუნიკაციას წყვეტს.

ცნობისთვის, ამერიკის შეერთებული შტატების სახელმწიფო მდივანი ენტონი ბლინკენი თურქეთამდე ერაყს, ისრაელს, იორდანიას, დასავლეთ სანაპიროსა და კვიპროსს ეწვია.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო