2023-11-03 14:11:11, 736 ნახვა

---

პრეზიდენტი ბერბოკის განცხადებაზე - ევროკავშირის გაფართოება აგრესიასა და დესტაბილიზაციაზე მკაფიო პასუხია

გაფართოება არის აგრესიასა და დესტაბილიზაციაზე მკაფიო პასუხი, - ასე ეხმაურება საქართველოს პრეზიდენტი სალომე ზურაბიშვილი გერმანიის საგარეო საქმეთა მინისტრის, ანალენა ბერბოკის განცხადებას.

პრეზიდენტის თქმით, კიდევ უფრო ნათელია, რომ საქართველოს ევროპულ მომავალს ალტერნატივა არ აქვს. 

"ევროკავშირის გაფართოება არის აგრესიასა და დესტაბილიზაციაზე მკაფიო პასუხი და კიდევ უფრო ნათელია, რომ საქართველოს ევროპულ მომავალს ალტერნატივა არ აქვს", - წერს ზურაბიშვილი X-ზე (ყოფილ Twitter-ზე).

შეგახსენებთ, რომ გუშინ, 2 ნოემბერს გერმანიის საგარეო საქმეთა მინისტრმა, ანალენა ბერბოკმა განაცხადა, რომ ევროკავშირი უნდა გაფართოვდეს, რაც რუსეთის უკრაინაში შეჭრის გეოპოლიტიკური შედეგი იქნება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი