ახლა თქვენ მართლა ზედმეტები და ნამეტანი არ მოგივიდეთ და ირაკლი ბერაიას ბოდიში შეირგეთ, - ასე მიმართა „ქართული ოცნების“ აღმასრულებელმა მდივანმა, მამუკა მდინარაძემ ოპოზიციონერ დეპუტატებს პარლამენტის პლენარულ სხდომაზე.

მამუკა მდინარაძემ „ყველას წესიერად მოქცევისკენ“ მოუწოდა.

"ახლა თქვენ მართლა ზედმეტები და ნამეტანი არ მოგივიდეთ, ყველას ერთად. და რატომ - გუშინ გადააჭარბა-თქო, ჩვენ თვითონ დავგმეთ, ადამიანმა ბოდიშები მოიხადა და ამ დროს, არცერთს არ გახსოვთ, რა უწმაწური ბანერი გაშალეთ, როცა აქ თეა წულუკიანი იყო. ქალი არ იყო, თუ ადამიანი არ იყო? mona.ge-ზე რომ ქალი დეპუტატები გამოაქვეყნეს, რომელიმემ ხმა ამოიღეთ? მოღალატეებს რომ ეძახით ადამიანებს, ეგ ნაკლები შეურაცხყოფაა? მეტი არ არის? ამიტომ, ახლა ცოტა ზედმეტები არ მოგივიდეთ. შეირგეთ ის ბოდიშიც და ის სწორი და ადამიანური დამოკიდებულება, რაც გულწრფელი იყო და როცა ქალ დეპუტატებს, ქალებს, სხვას, ქალებით რომ სპეკულირებთ და გენდერული რაღაც ნიშნით რომ აწებებთ ხოლმე, გამოაქვეყნებენ რაღაც შავ სიებში და აქ რომ რაღაცებს გაუშლით წულუკიანს, მაშინ იფიქრეთ, არის თუ არა ეს უფრო მეტი შეურაცხყოფა და მოღალატის ძახილი და ცოტა წესიერად მოიქეცით მართლა, ყველა“, - განაცხადა მდინარაძემ.

შეგახსენებთ, რომ გუშინ, 31 ოქტომბერს პარლამენტის პლენარულ სხდომაზე "ქართული ოცნების" დეპუტატებმა ალუდა ღუდუშაურმა და ირაკლი ბერაიამ ოპოზიციონერ ქალ დეპუტატებს, ანა წითლიძესა და თეონა აქუბარდიას შეურაცხყოფა მიაყენეს.

ამის შემდეგ, ირაკლი ბერაიამ თეონა აქუბარდიას მისამართით გაკეთებული შეურაცხმყოფელი განცხადების გამო ბოდიში მოიხადა.

ავტორი: ექსპრესნიუსი,

სოციალური ქსელები

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა

ვლადიმერ ჭინჭარაულის მიღწევები - საქართველოს ბანკის კამპანია „რომელი ბრენდი იმსახურებს ჩემპიონს?“ გრძელდება