მთაწმინდის რაიონის გამგეობა, „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, სახლების კაპიტალურ გამაგრებას აგრძელებს. ამის შესახებ ინფორმაციას თბილისის მერია ავრცელებს.

მერიის ცნობით, ამ ეტაპზე, საცხოვრებელი სახლების გამაგრების სამუშაოები დ. ჭონქაძის ქ. N8-სა და შიო მღვიმელის ქ. N3-ში მიმდინარეობს. 

"სარეაბილიტაციო სამუშაოებს, მთაწმინდის რაიონის გამგებელი დავით კირკიტაძე თბილისის საკრებულოს მაჟორიტარ დეპუტატ ზურაბ აბაშიძესთან ერთად გაეცნო.

სამუშაოების ფარგლებში, რეაბილიტაცია ორივე შენობის ფასადს ჩაუტარდება. აღდგება და პირვანდელი სახე დაუბრუნდება აივნებსა და შუშაბანდს. მონოლითური რკინა-ბეტონით სახლების საძირკველი უკვე გამაგრდა, რისთვისაც მზიდ კედლებზე არმატურის ბადე, ხოლო პერიმეტრზე მონოლითური რკინა-ბეტონის კოჭები მოეწყო. ასევე, ლითონის კუთხოვანებით მოჩარჩოვდა ფანჯრებისა და კარების ღიობები, ბზარების დამუშავება კი სპეციალური მასალით მოხდა. 

ორივე სახლში 16 ოჯახი ცხოვრობს, რომელთა საცხოვრებელი პირობები რეაბილიტაციის დასრულების შემდეგ საგრძნობლად გაუმჯობესდება. 

სამუშაოების განხორციელებისთვის, გამგეობის ბიუჯეტიდან, ჯამში 717 885 ლარი დაიხარჯება",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო