რუსეთის პრეზიდენტმა, ვლადიმერ პუტინმა თავდაცვის მინისტრს, სერგეი შოიგუს უკრაინის კონტრშეტევის შესაჩერებლად ერთთვიანი ვადა მისცა. აღნიშნულის შესახებ ინფორმაციას ომის შესწავლის ინსტიტუტი (ISW) წყაროზე დაყრდნობით ავრცელებს.

ISW-ის წყაროს ცნობით, თუ ინფორმაცია მართალია, რუსეთის არმიის მეთაურებმა, შესაძლოა, დაუნდობელი შეტევების ბრძანება გასცენ იმის იმედით, რომ უკრაინელებს კონტრშეტევის დასრულებას აიძულებენ, თუნდაც ეს რუსეთის არმიას ძვირად დაუჯდეს.

"ინსაიდერის განცხადება, თუკი ის სიმართლეა, მიანიშნებს იმაზე, რომ რუსეთის მეთაურობა, შესაძლოა, დაუნდობელი კონტრშეტევების ბრძანებებს გასცემს, რათა უკრაინული კონტრშეტევა კულმინაციამდე მიიყვანოს, თუნდაც რუსული სამხედრო პოტენციალის ხარჯზე",- აღნიშნულია ინფორმაციაში.

ISW-ის ცნობით, პუტინმა უკრაინის კონტრშეტევის დაწყება პირველად, 9 ივნისს აღიარა. ამასთან, მან ორი ძირითად ნარატივს გაუსვა ხაზი: 1. უკრაინული ძალები ვერ მიაღწევენ მნიშვნელოვან შედეგებს. 2. ისინი განიცდიან მძიმე დანაკარგებს, როგორც პერსონალის, ისე დასავლური სამხედრო აღჭურვილობის მხრივ.

"პუტინი და კრემლი წარმოადგენენ რუსეთის თავდაცვით ოპერაციებს, როგორც დიდ გამარჯვებას ბრძოლის ველზე. და რუსეთის მუდმივი კონტრშეტევები საშუალებას აძლევს კრემლს, განაცხადოს, რომ ეს ოპერაციები არის ინდივიდუალური გამარჯვება ფრონტის სხვა სექტორებში რუსეთის წარმატების ზოგადი ნაკლებობის ფონზე",- წერს ISW.

ავტორი: ექსპრესნიუსი,

სოციალური ქსელები

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში

სააღდგომო ზავი“ - როგორ არღვევენ და იყენებენ მას რუსები - Deep State

ტრამპმა განაცხადა, რომ აშშ ჰორმუზის სრუტეს გადაკეტავს

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.