2023-08-30 13:50:13, 673 ნახვა
მსოფლიო
თეთრი სახლის წარმომადგენელი - ყველამ ვიცით, რომ კრემლს თავისი ოპონენტების მკვლელობის დიდი ისტორია აქვს
ევგენი პრიგოჟინის სიკვდილზე, სავარაუდოდ, კრემლია პასუხისმგებელი,- ამის შესახებ თეთრი სახლის პრესმდივანმა, კარინ ჟან-პიერმა განაცხადა.
მისი თქმით, კრემლს თავისი ოპონენტების მკვლელობის დიდი ისტორია აქვს.
„მინდა შეგახსენეთ პრეზიდენტ, ჯო ბაიდენის სიტყვები იმის შესახებ, რომ რუსეთში ძალიან ცოტა რამ ხდება ისე, რომ ამის უკან პუტინი არ იდგეს.
ჩვენ ყველამ ვიცით, რომ კრემლს თავისი ოპონენტების მკვლელობის დიდი ისტორია აქვს. ეს არის კრემლის ისტორია. თუ ჩვენ გადავდგამთ ნაბიჯს უკან, თუ ერთი წამით უკან დავიხევთ, მაშინ ეს ყველაფერი მოხდება იმის გამო, რომ რუსეთში ძალაუფლების არაეფექტური მუშაობაა“,- განაცხადა ჟან-პიერმა.
ავტორი: ექსპრესნიუსი,
epn.ge (@expressnews.ge)
