"პუტინი არ დაუშვებს რუსეთის ელიტაზე კონტროლის დაკარგვას და შიშს არავის აპატიებს. პრიგოჟინის სამაგალითო ლიკვიდაცია, ვაგნერის სარდლობასთან ერთად, სხვა არაფერია, თუ არა პუტინის სიგნალი რუსეთის ელიტებისთვის 2024 წლის არჩევნების წინ." - ეს მოსაზრება უკრაინის პრეზიდენტის აპარატის უფროსის მრჩეველმა მიხაილ პოდოლიაკმა გამოთქვა.

მისი თქმით, თავად პრიგოჟინმა მოაწერა ხელი თავისთვის სპეციალურ სასიკვდილო ორდერს, ენდობოდა ლუკაშენკას უცნაურ გარანტიებს და პუტინის არანაკლებ აბსურდულ "პატივისცემას", რადგან ეს უკანასკნელი მთელი ამ ხნის განმავლობაში ელოდა ხელსაყრელ მომენტს.

„პრიგოჟინის და ვაგნერის სამაგალითო გადაყენება გადატრიალების მცდელობიდან ორი თვის შემდეგ არის სიგნალი პუტინისგან რუსეთის ელიტებისთვის 2024 წლის არჩევნების წინ: „შიში! ორგულობა სიკვდილს უდრის“, - წერს პოდოლიაკი.

ის დასძენს, რომ ეს მოვლენა ასევე სიგნალია რუსი სამხედროებისთვის. ამრიგად, პუტინი აფრთხილებს, რომ რუსეთში "SVO" გმირები არ იქნებიან. ისინი დაიღუპებიან ან უკრაინაში, ან FSB-ს ხელში.

შეგახსენებთ, ოთხშაბათს, 23 აგვისტოს, დაახლოებით 18:20 საათზე, რუსეთის ტვერის რეგიონში, კერძო თვითმფრინავი Embraer ჩამოვარდა. საჰაერო ტრანსპორტის ფედერალური სააგენტო ირწმუნება, რომ ბორტზე, დადასტურებული ცნობით, სამხედრო გაერთიანება "ვაგნერის" დამფუძნებელი ევგენი პრიგოჟინი იმყოფებოდა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა