2023-08-04 20:04:13, 1413 ნახვა

---

მალიარი - ბახმუტის მიმართულებით მძიმე ბრძოლა მიმდინარეობს, მტერს დაკარგული პოზიციების დაბრუნება სურს

ბახმუტის მიმართულებით მძიმე ბრძოლა მიმდინარეობს და მტერს დაკარგული პოზიციების დაბრუნება სურს, - ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.

როგორც მალიარი აღნიშნავს, უკრაინის შეიარაღებული ძალები მელიტოპოლისა და ბერდიანსკის მიმართულებით კონტრშეტევითი ოპერაციების ჩატარებას აგრძელებენ.

"მძიმე ვითარებაა ბახმუტის მიმართულებით. სამხრეთ ფლანგზე ჩვენი ჯარები საარტილერიო ცეცხლის ქვეშ არიან, მაგრამ წინსვლას აგრძელებენ. მტერი ჩრდილოეთ ფლანგზე გვიტევს, თუმცა ჩვენ თავდასხმებს ვიგერიებთ. მტერს დაკარგული პოზიციების დაბრუნება სურს.

ამასთან, აღმოსავლეთით მტერი ავდიივკასა და მარინკას მიმართულებით გვიტევს. იქ სასტიკი ბრძოლებია, მაგრამ ჩვენი დამცველები მტერს წინსვლის საშუალებას არ აძლევენ", - განაცხადა მალიარმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი