თამარ გაბუნია ჰემოფილიის მსოფლიო ფედერაციის პრეზიდენტს შეხვდა

2023-05-31 12:42:10, 856 ნახვა

საზოგადოება

ჯანდაცვის მინისტრის პირველი მოადგილე თამარ გაბუნია ჰემოფილიის მსოფლიო ფედერაციის პრეზიდენტ ცეზარ გარიდოს შეხვდა.

ჯანდაცვის სამინისტროს ცნობით, მხარეებმა, იმ სერვისებზე იმსჯელეს, რასაც საქართველო ჰემოფილიის დიაგნოზის მქონე პაციენტებს სთავაზობს.

"აღინიშნა, რომ იშვიათი დაავადებების მქონე პაციენტთა მკურნალობის სახელმწიფო პროგრამის ფარგლებში, სრულად და თანაგადახდის გარეშე ხდება ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფა, ასევე საჭირო ამბულატორიული და სტაციონარულ მომსახურებები.

მსოფლიო ფედერაციის პრეზიდენტის თქმით, საქართველო რეგიონში მოწინავე ქვეყანაა ჰემოფილიის დაავადების მართვაში და ამ მიმართულებით, სხვა ქვეყნებისთვის გამოცდილების გაზიარება მნიშვნელოვანია.

შეხვედრას ჰემოფილიის მსოფლიო ფედერაციის ევროპისა და ცენტრალური აზიის კოორდინატორი, საქართველოს ჰემოფილიისა და დონორობის ასოციაციის პრეზიდენტი და სამედიცინო სფეროს წარმომადგენლები ესწრებოდნენ",- ნათქვამია უწყების ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),