მარიამ ლაშხმა კასპის საჯარო სკოლის მოსწავლეებთან შეხვედრა გამართა

2023-05-15 16:18:03, 874 ნახვა

საზოგადოება

კასპის ტექნო პარკში, კასპის საჯარო სკოლის მოსწავლეებთან საქართველოს პარლამენტის და პარლამენტის გენდერული თანასწორობის მუდმივმოქმედი საბჭოს წევრმა, მარიამ ლაშხმა შეხვედრა გამართა. ამის შესახებ ინფორმაციას კასპის მუნიციპალიტეტის მერია ავრცელებს.

გავრცელებული ინფორმაციის თანახმად, პარლამენტის წევრი მოსწავლეებს ესაუბრა საქართველოს პარლამენტის გენდერული თანასწორობის მუდმივმოქმედი საბჭოს შესახებ და გააცნო საბჭოს მთავარი ფუნქციები.

როგორც მარიამ ლაშხმა აღნიშნა მნიშვნელოვანია გენდერული ცნობიერების ამაღლება სკოლის ასაკიდან დაიწყოს, რათა ადრეული ასაკიდანვე მოხდეს მათი ჩამოყალიბება და ფორმირება.

შეხვედრაზე მოსწავლეებს ასევე ესაუბრნენ თანამედროვე ტექნოლოგიებზე, ონლაინ განათლებასა და ელექტრონული სწავლების პლატფორმებზე.

შეხვედრა კითხვა-პასუხის რეჟიმში მიმდინარეობდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),