რუსეთის პრეზიდენტის პრესსპიკერმა, დმიტრი პესკოვმა განაცხადა, რომ ვლადიმერ პუტინი ღიაა უკრაინის შესახებ მოლაპარაკებებისთვის, მაგრამ ჯერჯერობით არც გერმანიის კანცლერი და არც საფრანგეთის პრეზიდენტი კონტაქტს არ ამყარებს.

როგორც პესკოვმა სამთავრობო გამოცემა „იზვესტიასთან“ საუბარში განაცხადა, კრემლი ოლაფ შოლცთან და ემანუელ მაკრონთან სასაუბროდ მუდმივ რეჟიმში მზადაა. 

"მოვისმინეთ შოლცისა და მაკრონის ბევრი განცხადება, რომლებიც ამბობდნენ, რომ გააგრძელებდნენ პუტინთან კომუნიკაციას, რათა ეძებონ გზები და გამოსავალი სიტუაციიდან. თუმცა, ბოლო დროს არანაირი ინიციატივა არ ყოფილა,"- ამბობს პესკოვი. 

ამავდროულად, პესკოვის თქმით, პუტინი ღიაა „ნებისმიერი კონტაქტისთვის, რომელსაც შეუძლია დაეხმაროს რუსეთს საკუთარი მიზნების მიღწევაში“.

შეგახსენებთ, რომ თებერვლის შუა რიცხვებში საფრანგეთის პრეზიდენტმა ემანუელ მაკრონმა მიუნხენის უსაფრთხოების კონფერენციის შემდეგ მედიასთან განაცხადა, რომ საფრანგეთს სურდა რუსეთის დამარცხება უკრაინაში, მაგრამ არასოდეს სურდა მისი „განადგურება“.

აღნიშნული განცხადების შემდეგ, რუსეთის საგარეო საქმეთა სამინისტროს სპიკერმა, მარია ზახაროვამ ემანუელ მაკრონი კრემლთან ორმაგ დიპლომატიაში დაადანაშაულა და რუსეთის შესახებ გაკეთებული განცხადებების გამო გაკიცხა. ზახაროვას თქმით, საფრანგეთის ისტორია ემანუელ მაკრონით არ დაწყებულა და "მოსკოვს ჯერ კიდევ ახსოვს ნაპოლეონ ბონაპარტის ბედი". 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო