პოლონეთში, პოზნანის შტაბის საგამოძიებო და კრიმინალური განყოფილების პოლიციის თანამშრომლებმა დანაშაულებრივი ჯგუფი დააკავეს, რომლებიც თავს პოლიციელებად ასაღებდნენ და ხანდაზმულ მოქალაქეებს ფულს სძალავდნენ. 

როგორც პოლონური მედია წერს, სამართალდამცველები საგამოძიებო ოპერაციებს მთელ პოლონეთში ატარებდნენ. 2023 წლის 18 იანვარს კი, ტარნოვში 24 წლის პოლონელი და 44 წლის ქართველი დააკავეს, მაშინ, როდესაც ისინი საკუთარი თაღლითური გეგმის მიხედვით მოქმედებდნენ და 25 000 ზლოტის უკანონოდ დაუფლებას ცდილობდნენ. 

პოლიციამ ასევე დაადგინა, რომ დაკავებული საქართველოს მოქალაქე ასევე მონაწილეობდა მსგავს თაღლითობაში, რომელიც 2022 წლის დეკემბრის ბოლოს მოხდა ვაგროვიეცსა და ნოვი ტომისლში. იქ თაღლითობის მთლიანმა თანხამ 220 000 ზლოტი შეადგინა. 

ასევე, ამ შემთხვევაში, გაირკვა, რომ დაკავებულები მონაწილეობდნენ ამ ტიპის სხვა დანაშაულებში გდინიასა და ჩონიცეში, სადაც ზარალი 237 000 ზლოტს გაუტოლდა. 

ბრალდებულებს 8 წლამდე თავისუფლების აღკვეთა ემუქრებათ. პოლიცია სხვა ეჭვმიტანილებს იდენტიფიცირებას და შემდგომ დაკავებას არ გამორიცხავს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო