უკვე დავავალე შესაბამის უწყებებს და დაიწყეს მზადება სოლიდური ჰუმანიტარული ტვირთის გასაგზავნად, რომელიც ორშაბათ-სამშაბათს გაიგზავნება თურქეთში, ამ მიზნით ჩვენ 1 მლნ ლარი გამოვყავით,- ამის შესახებ საქართველოს პრემიერ-მინისტრმა ირაკლი ღარიბაშვილმა ბაკურიანში განაცხადა. 

მთავრობის მეთაურმა თურქ ხალხს გამძლეობა, დაშავებულებს კი გამოჯანმრთელება უსურვა. 

„კიდევ ერთხელ მინდა ვთქვა, რომ ეს საშინელი ტრაგედიაა, რაც თურქეთში მოხდა. კიდევ ერთხელ ჩვენს მეგობარ მოძმე ერს, თურქ ხალხს მინდა მივუსამძიმრო და თურქეთის პრეზიდენტს, ბატონ ერდოღანს. ჩვენ მაქსიმალური მხარდაჭერა უნდა გამოვუცხადოთ თურქ ხალხს. ჩემი გადაწყვეტილებით, უკვე დავავალე შესაბამის უწყებებს და დაიწყეს მზადება სოლიდური ჰუმანიტარული ტვირთის გასაგზავნად, რომელიც ორშაბათ-სამშაბათს გაიგზავნება თურქეთში, ამ მიზნით ჩვენ 1 მლნ ლარი გამოვყავით. მთავრობის გარდა, კერძო სექტორიც არის მობილიზებული, პარლამენტი, სხვა უწყებები და ჩვენ მაქსიმალური მხარდაჭერა უნდა აღმოვუჩინოთ ჩვენს თურქ ხალხს, კიდევ ერთხელ მინდა მივუსამძიმრო და ვუსურვო გამძლეობა და დაშავებულებს გამოჯანმრთელება,"- აღნიშნა პრემიერმა.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

გარდა ამისა, სტიქიური მოვლენის  შემდეგ თურქეთში 7 დღიანი გლოვაა გამოცხადებული, მთელი თურქეთის მასშტაბით სახელმწიფო დროშები დაეშვა.

თურქეთის საგანგებო სიტუაციების სამსახურის ბოლო მონაცემების მიხედვით, დაღუპულთა რიცხვი 20 318-მდე გაიზარდა, დაშავებულების რაოდენობამ კი 80 052-ს მიაღწია. 

ავტორი: ექსპრესნიუსი,

სოციალური ქსელები

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა