თუ პაციენტი წონაში კლებას გააგრძელებს, გადააჭარბებს სხეულის მასის ინდექსს და 52 კგ-ზე ნაკლებზე ჩამოვა, მოკვდება, - ამის შესახებ ექიმმა-ნევროლოგმა, თენგიზ წულაძემ მესამე პრეზიდენტთან დაკავშირებით განაცხადა.

თბილისის საქალაქო სასამართლოში, სადაც მიხეილ სააკაშვილის პროცესი მიმდინარეობს, წულაძემ თქვა, რომ კახექსია დემენციაზე მძიმე დაავადებაა.

"კახექსია თავისთავად ძალიან მძიმეა, რაც მისი სიცოცხლის ხანგრძლივობას მკვეთრად შეეხება. დემენციაზე უფრო მძიმე კახექსიაა. წერია ერთ-ერთ დასკვნაში - თუ პაციენტი წონაში კლებას გააგრძელებს და 52 კგ-ზე ნაკლებზე ჩამოვა, მერე მოკვდება ადამიანი და მეტს ვეღარ გაუძლებს", - თქვა თენგიზ წულაძემ.

ცნობისთვის, თბილისის საქალაქო სასამართლო საქართველოს მესამე პრეზიდენტის სასჯელის გადავადების ან სასჯელისგან გათავისუფლების შუამდგომლობას განიხილავს. დღევანდელ სასამართლო პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ჩაერთო.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

მესამე პრეზიდენტის უფლებადამცველის შუამდგომლობას უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო