ოკუპირებულ მარიუპოლში მასობრივი იძულებითი პასპორტირება დაიწყო. ამის შესახებ მარიუპოლის მერის მრჩეველმა პეტრო ანდრიუშჩენკომ განაცხადა .

მისი თქმით, პირველი იანვრიდან ყველა მასწავლებლისთვის, ექიმისთვის, პოლიციისა და სახელმწიფო ხელისუფლების ორგანოებისთვის სავალდებულო ხდება რუსული პასპორტის აღება.

„1 მარტიდან შეუძლებელი იქნება მარიუპოლის ტერიტორიაზე ბიზნესის კეთება რუსული პასპორტის გარეშე. მოსამართლეები, იურისტები ასევე უნდა იყვნენ აკრედიტებული DPR-ის მიერ. ამავე დროს, ასეთი „კანონი“ არ არსებობს, მაგრამ სიტყვიერად გააფრთხილეს ამის შესახებ“, - განაცხადა ანდრიუშჩენკომ.

მისივე თქმით, მარიუპოლში სიკვდილიანობა რვაჯერ გაიზარდა . ქალაქში წყალი და ელექტროენერგია არ არის და სიცივის დადგომასთან ერთად ხალხი უბრალოდ იყინება სახლებში.

"სიტუაცია ძალიან ახლოს არის ჰუმანიტარულ კატასტროფასთან. გათბობასთან დაკავშირებით ძალიან დიდი პრობლემებია. ცენტრალიზებული გათბობა არ აღდგა ქალაქის უმეტეს ნაწილში. მოსახლეობის მაქსიმუმ 30% არის ჩართული ცენტრალიზებულ გათბობაზე", - განმარტა ანდრიუშჩენკომ.

პარალელურად, ოკუპანტები მარიუპოლის საზღვაო პორტს სამხედრო ბაზად აქცევენ. რუსებმა დაიწყეს სამუშაოები ნავმისადგომების ჩვეულებრივ სამოქალაქო და სამხედრო ნავმისადგომებად დაყოფაზე.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ