მკურნალობის ის ტიპი, რომელსაც სააკაშვილისთვის იყენებენ, ტიპურია საბჭოთა და პოსტსაბჭთა მედიცინისთვის - ამის შესახებ რუსმა ექიმმა ანდრეი ვოლნამ, ჟურნალისტ იულია ლატინინასთან ინტერვიუში განაცხადა. 

რუსმა ექიმმა საქართველოს მესამე პრეზიდენტის მდგომარეობა რუს ოპოზიციონერ, ალექსეი ნავალნის შეადარა, რომლის მოწამვლის შემთხვევაში ამოცანა იყო ადამიანის სწრაფად მოკვლა. თუმცა ვოლნი თვლის, რომ მიხეილ სააკაშვილის შემთხვევაში, საუბარია ნელ პროცესზე არაკეთილსაიმედო ფინალით.

"ამერიკელი ექსპერტი ამბობს, რომ სააკაშვილს აძლევდნენ 14 პრეპარატს, რომლებიც არავინ იცის როგორია ურთიერთქმედებისას და როგორ მოქმედებს კონკრეტულ ორგანიზმზე. მკურნალობის ის ტიპი, რომელსაც სააკაშვილისთვის იყენებენ, ტიპურია საბჭოთა და პოსტსაბჭთა მედიცინისთვის.  ნორმალური თერაპიისთვის მაქსიმუმ 5 პრეპარატი გამოიყენება. ამიტომ კლინიკაში, სადაც სააკაშვილია, არცთუ სწორად მკურნალობენ. ამასთან, არცერთ ამ მედიკამენტში არაა დარიშხანი და ვერცხლისწყალი. ამიტომ საიდან მოხვდა ისინი ორგანიზში?

ნავალნის მოწამვლის შემთხვევაში ამოცანა იყო ადამიანის სწრაფად მოკვლა. სააკაშვილის შემთხვევაში თუკი მართლაც არის მძიმე მეტალები და ვერ ვხვდები საიდან, საუბარია ნელ პროცესზე არაკეთილსაიმედო ფინალით. წარმოიდგინეთ, ყველა მიმართულების ექიმი თავისი დანიშნულებით და პაციენტი ტოქსიკურ დარტყმას იღებს.  ნავალნის შემთხვევაში ეს არის დანაშაულებრივი მკურნალობა, მიიყვანონ ადამიანი ლეტალურ გამოსავლამდე. სააკაშვილი უფრო მძიმე მდგომარეობაშია და საჭიროა სასწრაფო ზომები"- ამბობს რუსი ექიმი. 

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა