უკრაინის პრეზიდენტმა ვოლოდიმირ ზელენსკიმ უკრაინელებს შობა მიულოცა გრიგორიანული კალენდრის მიხედვით, - „ჩვენ არ დაველოდებით სასწაულს, რადგან ჩვენ თვითონ ვქმნით მას“, - განაცხადა ზელენსკიმ.

"დღეს და მომავალ ზამთრის არდადეგებს რთულ ვითარებაში ვხვდებით. ვიღაც იხილავს პირველ ვარსკვლავს ბახმუტის, რუბიჟნოესა და კრემენნაიას ცაზე. ვიღაც დღესასწაულს სხვის სახლში აღნიშნავს, მაგრამ არა უცხოს - უკრაინელების სახლებში, რომლებმაც თავშესაფარი მისცეს უკრაინელებს. ვიღაც "შჩედრიკს" სხვა ენაზე მოისმენს - ვარშავაში, ბერლინში, ლონდონში, ნიუ-იორკში, ტორონტოსა და ბევრ სხვა ქალაქში და ქვეყანაში და ვიღაც შეხვდება ამ შობას ტყვეობაში, მაგრამ ახსოვდეს, რომ ჩვენ დავუბრუნებთ თავისუფლებას ყველა უკრაინელ კაცსა და ქალს.

სადაც არ უნდა ვიყოთ, დღეს ერთად ვიქნებით. მოდით, სურვილი ჩავიფიქროთ. ერთი ყველასათვის და ჩვენ ვიგრძნობთ სიხარულს. ერთი ყველასათვის და ჩვენ გავიგებთ სიმართლეს. ერთი ყველასთვის

ჩვენ აღვნიშნავთ ჩვენს დღესასწაულებს! როგორც ყოველთვის. მოდით გავიღიმოთ და ვიყოთ ბედნიერები, როგორც ყოველთვის. განსხვავება მხოლოდ ერთია. ჩვენ არ დაველოდებით სასწაულს, რადგან ჩვენ თვითონ ვქმნით მას.

ქრისტე დაიბადა! მოდით ვადიდოთ იგი! - განაცხადა უკრაინის პრეზიდენტმა საშობაო მილოცვაში.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ